X’Nistgħu Ngħidu dwar ir-​Rivisti

It-​Torri taʼ l-​Għassa 15 t’Awis.

“X’taħseb li hi l-​aqwa forma taʼ lealtà? [Agħti ċans għal tweġiba.] Dan l-​artiklu jenfasizza l-​lealtà lejn dak Alla veru. [Uri paġna 5, u aqra t-​2 Samwel 22:26.] Kont taf li l-​lealtà lejn Alla tistaʼ tgħin lin-​nies biex ma jaġixxux b’nuqqas taʼ mħabba m’oħrajn? Jien ċert li se tieħu gost taqra dwar dan.”

It-​Torri taʼ l-​Għassa 1 taʼ Sett.

“Qatt innotajt li f’ħafna postijiet il-​ġirien m’għadhomx ikunu familjari maʼ xulxin daqskemm kienu jkunu qabel? [Agħti ċans għal tweġiba.] Ġesù għamel stqarrija dwar prinċipju li huwa fundamentali biex wieħed ikun ġâr tajjeb. [Aqra Mattew 7:12.] Dawn l-​artikli juruna kif nistgħu nkunu ġirien tajba u kif inħeġġu lil oħrajn jagħmlu bħalna.”

Stenbaħ 8 taʼ Sett.

“Qatt inkwetajt dwar il-​fatt li l-​bniedem ma jistax jikkontrolla l-​problema li għandu tat-​tinġis? [Agħti ċans għal tweġiba.] Kawża ewlenija għal dan hi l-​ħela. Ġesù għallem lis-​segwaċi tiegħu biex ma jaħlux. [Aqra Ġwann 6:12.] Din ir-​rivista turi li meta l-​familji jsegwu l-​prinċipji Bibliċi jiġu megħjunin jevitaw il-​mentalità taʼ ‘uża u armi.’”