Qiegħed Tagħti Sehmek biex Joħroġ Rapport Eżatt?

¹ Ħafna rakkonti Bibliċi jinkludu numri speċifiċi, li jgħinu biex dak li jkun jieħu stampa ċara taʼ x’kien ġara. Per eżempju, Gidgħon għeleb il-​kamp taʼ Midjan bi 300 raġel biss. (Mħ. 7:7) L-​anġlu taʼ Jehovah qatel 185,000 suldat Assirjan. (2 Slat. 19:35) F’Pentekoste tas-​sena 33 E.K., tgħammdu madwar 3,000 ruħ, u ftit wara dan, l-​għadd taʼ dawk li jemmnu żdied għal 5,000 ruħ. (Atti 2:​41; 4:4) Minn dawn ir-​rakkonti huwa evidenti li l-​qaddejja t’Alla fil-​passat għamlu ħafna sforz sabiex jiġbru l-​informazzjoni kompluta u jniżżluha bl-​eżatt.

² Illum, l-​organizzazzjoni taʼ Jehovah tistruwina biex nirrapportaw il-​ħidma tagħna fis-​servizz taʼ l-​għalqa kull xahar. Billi nikkooperaw fedelment maʼ dan l-​arranġament se ngħinu biex ikun hemm indokrar effettiv tax-​xogħol taʼ l-​ippridkar. Ir-​rapporti jistgħu jirrivelaw aspett tal-​ministeru li għandu bżonn l-​attenzjoni jew li hemm bżonn taʼ iktar ħaddiema f’ċerta parti taʼ l-​għalqa. Fil-​kongregazzjoni, ir-​rapporti tas-​servizz taʼ l-​għalqa jgħinu lill-​anzjani jaraw min għandu l-​potenzjal li jżid fil-​ministeru tiegħu kif ukoll dawk li għandhom mnejn ikollhom bżonn l-​għajnuna. Ukoll, ir-​rapporti dwar il-​progress tax-​xogħol taʼ l-​ippridkar tas-​Saltna huma taʼ inkuraġġiment għall-​fratellanza Kristjana kollha. Qiegħed tagħti sehmek sabiex joħroġ rapport eżatt?

³ Ir-​Responsabbiltà Persunali Tiegħek: Fl-​aħħar tax-​xahar, issibha diffiċli biex tiftakar x’għamilt fil-​ministeru? Jekk inhu hekk, għaliex ma tniżżilx l-​attività tiegħek kull darba li tieħu sehem fis-​servizz taʼ l-​għalqa? Xi wħud jużaw kalendarju jew djarju. Oħrajn iġorru magħhom karta vojta tar-​rapport tas-​servizz taʼ l-​għalqa. Fl-​aħħar tax-​xahar, mill-​ewwel agħti r-​rapport tiegħek lill-​indokratur taʼ l-​istudju tal-​ktieb. Jew jekk tippreferi, tistaʼ titfaʼ r-​rapport tiegħek fil-​kaxxa tar-​rapporti fis-​Sala tas-​Saltna. Jekk tinsa titfaʼ r-​rapport tiegħek, ikkuntattja mill-​ewwel lill-​indokratur taʼ l-​istudju tal-​ktieb tiegħek minflok ma toqgħod tistenna lilu biex jikkuntattjak. Jekk tirrapporta l-​attività tiegħek b’mod kuxjenzjuż, tkun qed turi rispett għall-​arranġament taʼ Jehovah. Tkun qed turi wkoll konsiderazzjoni kollha mħabba għall-​aħwa li huma inkarigati biex jiġbru r-​rapporti u jniżżlu l-​informazzjoni taʼ ġo fihom.​—Lq. 16:10.

⁴ L-​Irwol taʼ l-​Indokratur taʼ l-​Istudju tal-​Ktieb: Bħala ragħaj li joqgħod għassa u li jieħu ħsieb, l-​indokratur taʼ l-​istudju tal-​ktieb jieħu interess fl-​attività tal-​grupp matul ix-​xahar. (Prov. 27:23) Hu jaf jekk kull pubblikatur hux qed ikollu sehem regulari, sinifikanti, u ferrieħi, u malajr joffri l-​għajnuna jekk xi ħadd ma jkunx ipparteċipa għal xahar sħiħ. Ħafna drabi, kelma taʼ inkuraġġiment, xi suġġeriment prattiku, jew xi stedina biex dak li jkun jaħdem miegħu fis-​servizz taʼ l-​għalqa huwa dak kollu li jkun hemm bżonn.

⁵ Fl-​aħħar tax-​xahar, l-​indokratur taʼ l-​istudju tal-​ktieb jara li kull wieħed fil-​grupp wettaq ir-​responsabbiltà li jirrapporta l-​attività tiegħu sabiex b’hekk is-​segretarju jkun jistaʼ jagħti rapport eżatt tal-​kongregazzjoni lill-​uffiċċju tal-​fergħa sas-​sitt jum tax-​xahar taʼ wara. Hekk kif jibda joqrob l-​aħħar tax-​xahar, jistaʼ jkun t’għajnuna għalih li jfakkar lill-​grupp u jkollu biżżejjed karti tar-​rapport fejn jinżamm l-​istudju tal-​ktieb. Jekk xi ħadd jaljena rasu biex jitfaʼ r-​rapport, jistaʼ jagħti inkuraġġiment u xi tfakkiriet f’waqthom.

⁶ Meta nagħtu r-​rapporti tas-​servizz taʼ l-​għalqa bla dewmien jgħin biex ikun hemm rapport li jirrifletti b’eżattezza dak li sar fil-​ministeru. Se tagħti sehmek billi tirrapporta l-​attività tiegħek kull xahar minnufih?