Erfgħu

Nikkonduċu Studji tal-​Bibbja Progressivi

Dan l-​insert fih ġabra taʼ punti prinċipali mis-​serje t’artikli dwar kif nikkonduċu studji tal-​Bibbja progressivi li dehru fil-​Ministeru tas-​Saltna. Ilkoll aħna inkuraġġiti li nerfgħu dan l-​insert u nirreferu għalih meta nikkonduċu l-​istudji tal-​Bibbja. Barra minn hekk, punti minn dan l-​insert jistgħu jiġu enfasizzati waqt il-​laqgħat għas-​servizz taʼ l-​għalqa, u l-​indokraturi tas-​servizz jistgħu jużawh bħala bażi għat-​taħditiet li jippreżentaw meta jżuru l-​gruppi taʼ l-​istudju tal-​ktieb.

L-​1 Parti: X’Inhu Studju tal-​Bibbja?

Jekk ikollok diskussjonijiet regulari u b’mod sistematiku fuq il-​Bibbja, anki jekk qosra, u tuża l-​Bibbja jew magħha xi waħda mill-​pubblikazzjonijiet rikkmandati, int tkun qed tikkonduċi studju tal-​Bibbja. L-​istudju jistaʼ jiġi rapportat meta jkun sar darbtejn wara li tkun urejt lill-​inkwilin kif isir studju u jekk jidher li l-​istudju se jitkompla.—km 7/04 pġ. 1.

Pubblikazzjonijiet Rikkmandati

◼ Alla X’Jirrikjedi Minna?

◼ Għarfien Li Jwassal Għall-​Ħajja Taʼ Dejjem

◼ Qim lill-​Uniku Alla Veru

◼ Int Tistaʼ Tkun il-​Ħabib t’Alla! jistaʼ jintuża għal studju maʼ wħud li għandhom edukazzjoni limitata jew li ma tantx jafu jaqraw.

It-​2 Parti: Nippreparaw biex Nikkonduċu l-​Istudju

Irridu nippreżentaw l-​informazzjoni b’tali mod li tilħaq qalb l-​istudent. Dan jirrikjedi li nippreparaw bir-​reqqa bl-​istudent f’moħħna.—km 8/04 pġ. 1.

Kif Tipprepara

◼ Eżamina t-​titlu, is-​sottitli, u l-​istampi tal-​kapitlu jew il-​lezzjoni.

◼ Sib it-​tweġibiet għall-​mistoqsijiet stampati, u immarka biss il-​kliem u l-​frażijiet prinċipali.

◼ Iddeċiedi liema skritturi ċitati se taqra waqt l-​istudju. Agħmel noti qosra dwarhom fil-​ġenb tal-​pubblikazzjoni li tistudjaw fuqha.

◼ Ipprepara reviżjoni qasira tal-​punti prinċipali.

Adatta l-​Lezzjoni Skond l-​Individwu

◼ Itlob dwar l-​istudent u l-​bżonnijiet tiegħu.

◼ Antiċipa l-​punti li l-​istudent jistaʼ jsibhom diffiċli biex jifhimhom jew jaċċettahom.

◼ Ikkunsidra: X’għandu bżonn jifhem jew fuqiex għandu bżonn jaħdem sabiex jimxi ’l quddiem spiritwalment? Kif nistaʼ nilħaqlu qalbu?

◼ Skond ma jkun hemm bżonn, ipprepara tixbiha, spjegazzjoni, jew serje taʼ mistoqsijiet biex tgħin lill-​istudent jifhem punt jew skrittura.

It-​3 Parti: Użu Effettiv taʼ l-​Iskrittura

L-​iskop tagħna meta nikkonduċu studji tal-​Bibbja huwa li ‘nagħmlu dixxipli’ billi ngħinu lin-​nies jifhmu u jaċċettaw it-​tagħlim tal-​Kelma t’Alla u japplikawh f’ħajjithom. (Mt. 28:​19, 20; 1 Tess. 2:13) Għalhekk, l-​istudju jrid jiċċentra fuq l-​Iskrittura.—km 11/04 pġ. 4.

Għallem mill-​Kelma t’Alla

◼ Uri lill-​istudent kif isib versi speċifiċi fil-​kopja tal-​Bibbja tiegħu stess.

◼ Iftaħ u iddiskuti versi mill-​Bibbja li jagħtu bażi Skritturali għat-​twemmin tagħna.

◼ Uża l-​mistoqsijiet. Minflok ma tispjega l-​versi mill-​Bibbja lill-​istudent, ħalli lilu jispjegahomlok.

◼ Żomm l-​istudju sempliċi. Tipprovax tispjega kull aspett taʼ xi skrittura. Inkludi biss dak li hemm bżonn biex jiġi ċċarat il-​punt.

◼ Uri kif jiġi applikat b’mod prattiku. Għin lill-​istudent biex jara kif il-​versi tal-​Bibbja japplikaw għalih personalment.

Ir-​4 Parti: Inħarrġu lill-​Istudenti biex Jippreparaw

Student li jaqra l-​lezzjoni minn qabel, jimmarka t-​tweġibiet, u jaħseb fuq kif jistaʼ jesprimihom fi kliemu stess, ġeneralment jagħmel progress spiritwali mgħaġġel. Għalhekk, ladarba jiġi stabbilit studju regulari, ippreparaw lezzjoni flimkien u uri lill-​istudent kif għandu jipprepara. Kif juri l-​każ taʼ ħafna studenti, jistaʼ jkun t’għajnuna jekk tippreparaw kapitlu jew lezzjoni sħiħa flimkien.—km 12/04 pġ. 1.

L-​Immarkar u n-​Noti

◼ Spjega kif issib tweġibiet diretti għall-​mistoqsijiet stampati.

◼ Uri lill-​istudent mill-​kopja persunali tiegħek tal-​pubblikazzjoni għall-​istudju li int tkun immarkajt biss il-​kliem u l-​frażijiet prinċipali.

◼ Għin lill-​istudent jara kif l-​iskritturi ċitati li m’humiex kwotati jappoġġaw il-​punt li jkun qed jinħareġ fil-​paragrafu, u urih kif jistaʼ jagħmel noti qosra fil-​ġenb tal-​pubblikazzjoni li jkun qed jistudja.

Daqqa t’Għajn Qabel l-​Istudju u Reviżjoni

◼ Uri lill-​istudent kif hu jistaʼ jeżamina t-​titlu, is-​sottitli, u l-​istampi qabel ma jibda l-​preparazzjoni dettaljata tiegħu.

◼ Ħeġġeġ lill-​istudent biex jirrivedi l-​punti prinċipali fil-​konklużjoni tas-​sessjoni tal-​preparazzjoni.

Il-​5 Parti: Kif Tiddeċiedi Kemm Tkopri Materjal

L-ammont taʼ materjal li jistaʼ jiġi kunsidrat jiddependi mill-​abbiltà u ċ-​ċirkustanzi taʼ l-​għalliem u taʼ l-​istudent.—km 1/05 pġ. 1.

Ibni Fidi Soda

◼ Tippermettix li l-​istudent ma jifhimx sew il-​Kelma t’Alla minħabba li timxi b’pass mgħaġġel.

◼ Qattaʼ ħin kemm hemm bżonn biex tgħin lill-​istudent jifhem u jaċċetta dak li qed jitgħallem.

◼ Ħalli biżżejjed ħin biex tikkunsidra l-​iskritturi prinċipali li jipprovdu l-​bażi għat-​tagħlim.

Żomm mat-​Tema taʼ l-​Istudju

◼ Jekk l-​istudent iħobb jitkellem fit-​tul dwar affarijiet persunali, forsi tistaʼ tiftiehem biex dawn tiddiskutuhom wara l-​istudju.

◼ Titkellimx iżżejjed waqt l-​istudju. Illimita d-​diskussjoni taʼ punti żejda u esperjenzi ħalli ma ttellifx lill-​istudent milli jieħu għarfien eżatt tat-​tagħlim bażiku mill-​Bibbja.

Is-​6 Parti: Meta Student Iqajjem Mistoqsija

Ladarba l-​istudju tal-​Bibbja jiġi stabbilit sew, ġeneralment l-​aħjar ħaġa tkun li wieħed jiddiskuti t-​tagħlim tal-​Bibbja bl-​ordni minflok ma jittieħed suġġett minn hawn u ieħor minn hemm. Dan jgħin lill-​istudent jibni pedament t’għarfien eżatt u jagħmel progress spiritwali.—km 2/05 pġ. 6.

Uża d-​Dehen

◼ Mistoqsijiet li jkollhom x’jaqsmu mal-​materjal li jkun qed jiġi studjat jistgħu ġeneralment jitwieġbu dak il-​ħin.

◼ Jekk mistoqsija m’għandha x’taqsam xejn mal-​materjal li jkun qed jiġi studjat jew tkun tirrikjedi riċerka tistaʼ tiġi kunsidrata f’xi ħin ieħor. Jistaʼ jkun t’għajnuna li tieħu nota taʼ dawn il-​mistoqsijiet.

◼ Jekk student isibha diffiċli biex jaċċetta ċertu tagħlim, ikkunsidra materjal ieħor li jiddiskuti bir-​reqqa dak is-​suġġett.

◼ Jekk l-​istudent għadu mhux konvint, ħalli dak is-​suġġett għal darb’oħra u kompli bl-​istudju regulari tiegħu.

Kun Modest

◼ Jekk ma tafx it-​tweġiba taʼ xi mistoqsija, tagħtix opinjoni persunali.

◼ B’mod progressiv, għallem lill-​istudent kif jagħmel riċerka.

Is-​7 Parti: Nitolbu fl-​Istudju

Sabiex l-​istudenti tal-​Bibbja jagħmlu progress spiritwali, hemm bżonn il-​barka taʼ Ġeħova. Għalhekk, meta l-​istudju jkun ġie stabbilit, ikun xieraq li tiftaħ u tagħlaq b’talba.—km 3/05 pġ. 4.

Kif Tintroduċi t-​Talb

◼ Maʼ dawk li jkunu reliġjużi, it-​talb jistaʼ jiġi offrut mill-​ewwel studju li jsir.

◼ M’oħrajn, irridu nużaw id-​dehen biex nagħrfu meta jkun il-​waqt li nintroduċulhom it-​talb.

◼ Tistaʼ tuża Salm 25:​4, 5 u l-​1 Ġwanni 5:14 biex tispjega għala għandu jsir it-​talb.

◼ Tistaʼ tuża Ġwanni 15:16 biex turi li għandna nitolbu lil Ġeħova permezz taʼ Ġesù Kristu.

X’Tistaʼ Tgħid fit-​Talb

◼ Huwa xieraq li nfaħħru lil Ġeħova bħala s-​Sors tat-​tagħlim.

◼ Esprimi interess sinċier fl-​istudent.

◼ Esprimi apprezzament għall-​organizzazzjoni li qed juża Ġeħova.

◼ Itlob għall-​barka taʼ Ġeħova fuq l-​isforzi taʼ l-​istudent biex japplika dak li qed jitgħallem.

It-​8 Parti: Nidderieġu lill-​Istudenti Lejn l-​Organizzazzjoni

Il-​mira tagħna meta nikkonduċu studji tal-​Bibbja m’hijiex biss li nagħtu l-​informazzjoni dwar it-​tagħlim tagħna imma wkoll li ngħinu lill-​istudent isir parti mill-​kongregazzjoni Kristjana. Fuq l-​istudju ħu ftit minuti kull ġimgħa biex taqsam punt dwar l-​organizzazzjoni taʼ Ġeħova.—km 4/05 pġ. 8.

Il-​Laqgħat tal-​Kongregazzjoni

◼ Iddeskrivi kull laqgħa tal-​kongregazzjoni. Mill-​ewwel studju, stidinhom jattendu.

◼ Aqsam magħhom punti li jispikkaw u li jiġu preżentati fil-​laqgħat.

◼ Ibni l-​entużjażmu għat-​Tifkira, l-​assembleat, u ż-​żjara taʼ l-​indokratur tas-​circuit.

◼ Uża r-​ritratti fil-​pubblikazzjonijiet tagħna biex tgħinhom jieħdu idea taʼ kif isiru l-​affarijiet.

◼ Ħeġġiġhom jaqraw il-​browxer Ix-​Xhieda taʼ Jehovah—Min Huma? X’Jemmnu?

Uża l-​Vidjos biex Tibni l-​Apprezzament

◼ Jehovah’s Witnesses​—The Organization Behind the Name (Ix-Xhieda taʼ Ġeħova—L-​Organizzazzjoni wara l-​Isem)

◼ Our Whole Association of Brothers (Il-Fratellanza Kollha Tagħna)

◼ United by Divine Teaching (Magħqudin Permezz taʼ Tagħlim Divin)

◼ To the Ends of the Earth (Sa Truf l-​Art)

Id-​9 Parti: Nippreparaw lill-​Istudenti biex Jagħtu Xiehda Informali

Hekk kif l-​istudenti tal-​Bibbja jibdew jeżerċitaw fidi f’dak li qed jitgħallmu, huma jiġu mqanqlin biex jitkellmu dwaru.—km 5/05 pġ. 1.

Ħeġġiġhom Jagħtu Xiehda

◼ Hemm xi ħbieb u membri tal-​familja li jistgħu jistidnuhom biex jattendu l-​istudju?

◼ Hemm xi ħadd minn sħabhom tax-​xogħol, taʼ l-​iskola, jew ħbieb oħra li esprimew interess?

Ħarriġhom biex Jaqsmu t-​Twemmin Tagħhom

◼ F’ċerti postijiet fl-​istudju, staqsi lill-​istudent, “Kieku int kif tuża l-​Bibbja biex tispjega din il-​verità lill-​familja tiegħek?”

◼ Għinu jifhem li għandu juri rispett u qalb tajba meta jitkellem m’oħrajn dwar Alla u l-​iskopijiet tiegħu.

◼ L-​istudenti jistgħu jużaw il-​browxer Ix-​Xhieda taʼ Jehovah—Min Huma? X’Jemmnu? biex jgħinu lill-​ħbieb u l-​membri tal-​familja biex jifhmu ttwemmin u l-​attivitajiet tagħna bbażati fuq il-​Bibbja.

L-​10 Parti: Inħarrġu lill-​Istudenti fil-​Ministeru minn Dar għal Dar

Meta l-​anzjani jiddeterminaw li student tal-​Bibbja jikkwalifika bħala pubblikatur mhux mgħammed, dan jistaʼ jibda jieħu sehem mal-​kongregazzjoni fix-​xogħol taʼ l-​ippridkar pubbliku.—km 6/05 pġ. 1.

Nippreparaw Flimkien

◼ Uri lill-​pubblikatur il-​ġdid fejn jistaʼ jsib suġġerimenti taʼ preżentazzjonijiet.

◼ Għinu jagħżel preżentazzjoni sempliċi li hi adattata għat-​territorju lokali.

◼ Inkuraġġih biex juża l-​Bibbja fil-​ministeru.

◼ Ipprattikaw flimkien. Urih kif jistaʼ jwieġeb bit-​tattika għar-​reazzjonijiet li huma komuni fit-​territorju.

Nippridkaw Flimkien

◼ Ħalli lill-​istudent josservak hekk kif int tagħmel il-​preżentazzjoni li tkunu ppreparajtu flimkien.

◼ Żomm f’moħħok x’personalità u x’abbiltajiet għandu l-​istudent. F’ċerti każi, l-​aħjar ħaġa tkun li l-​pubblikatur il-​ġdid jagħmel biss parti mill-​preżentazzjoni.

◼ Għin lill-​pubblikatur il-​ġdid biex jagħmel skeda ħalli jkun jistaʼ jieħu sehem regolarment fil-​ministeru.

Il-​11-il Parti: Ngħinu lill-​Istudenti Jagħmlu ż-​Żjajjar Lura

Il-​preparazzjoni għal żjara lura tibda meta nżuru lill-​persuna l-​ewwel darba. Inkuraġġixxi lill-​istudent biex juri interess sinċier f’dawk li jitkellem magħhom. Ħarrġu pass pass biex jitgħallem kif jgħin lill-​inkwilini jesprimu ruħhom, kif joqgħod jismaʼ dak li għandhom x’jgħidu, u kif jagħti kas taʼ dak li jinteressahom.—km 7/05 pġ. 1.

Ippreparaw biex Terġgħu Tmorru

◼ Irrivedi x’ġara fl-​ewwel żjara, u għin lill-​istudent jagħżel suġġett li jinteressa lill-​inkwilin.

◼ Ippreparaw flimkien preżentazzjoni qasira li tkun tinkludi skrittura kif ukoll paragrafu minn xi pubblikazzjoni.

◼ Ħejju mistoqsija li tkun tistaʼ ssir fi tmiem id-​diskussjoni.

Ħabrek biex Tagħmel iż-​Żjajjar Lura

◼ Inkuraġġixxi lill-​istudent biex imur mill-​iktar fis possibbli għand dawk kollha li juru interess.

◼ Għin lill-​istudent jara li għandu bżonn jippersisti biex isib lil dawk li huma diffiċli biex isibhom id-​dar.

◼ Uri lill-​pubblikatur il-​ġdid kif jagħmel appuntament, u għinu jifhem il-​ħtieġa li jirritorna kif ikun wiegħed.

It-​12-il Parti: Ngħinu lill-​Istudenti Jibdew u Jikkonduċu Studji tal-​Bibbja

Huwa vitali li timita lil Ġesù billi tagħti eżempju tajjeb fil-​ministeru tiegħek. Hekk kif l-​istudent josserva l-​eżempju li tagħtih fil-​ministeru, hu se jifhem li l-​objettiv taż-​żjajjar lura hu li jinbdew studji tal-​Bibbja.—km 8/05 pġ. 1.

Noffru Studju tal-​Bibbja

◼ Spjega lill-​istudent li ġeneralment ma jkunx hemm bżonn li niddeskrivu bid-​dettall l-​arranġament taʼ kif isir studju.

◼ Spiss ikun aħjar li sempliċement tagħmel turija taʼ l-​istudju billi tuża paragrafu jew forsi tnejn minn pubblikazzjoni għall-​istudju.

◼ Irrivedi u ipprattika wieħed mis-​suġġerimenti biex jinbdew l-​istudji tal-​Bibbja.—km 8/05 pġ. 8; km 1/02 pġ. 6.

Ħarreġ lill-​Istudenti biex Ikunu Għalliema

◼ Ħeġġeġ lill-​istudenti biex jidħlu fl-​Iskola tal-​Ministeru Teokratiku.

◼ Agħmel arranġamenti biex il-​pubblikaturi ġodda jmorru fuq studji tal-​Bibbja oħrajn fejn jistaʼ jkollhom sehem żgħir fit-​tagħlim.