Żewġ Muniti taʼ Valur Żgħir

Mod importanti kif nappoġġaw l-​interessi tas-​Saltna hu billi nikkontribwixxu finanzjarjament għax-​xogħol tal-​ippritkar taʼ madwar id-​dinja. Iżda, xi ngħidu jekk m’għandniex ħafna flus?

Darba minnhom, Ġesù ra armla fqira titfaʼ fil-​kaxxi tat-​teżor tat-​tempju żewġ muniti taʼ valur żgħir. L-​imħabba għal Ġeħova qanqlitha biex tagħti “min-​nieqes tagħha, . . . kulma kellha, l-​għajxien kollu tagħha.” (Mk. 12:41-​44) Il-​fatt li Ġesù semma dan jindika li l-​kontribuzzjoni tagħha kienet taʼ valur kbir ferm f’għajnejn Alla. Bl-​istess mod, il-​Kristjani tal-​ewwel seklu wkoll kienu jqisuh bħala unur li jikkontribwixxu materjalment. Kemm il-​Kristjani foqra u kemm dawk sinjuri kienu jagħtu dak li jistgħu. L-​appostlu Pawlu kkwota l-​eżempju tan-​nies tal-​Maċedonja li, minkejja “l-​faqar bla qjies . . . baqgħu jitolbuna bi ħrara kbira biex ikollhom il-​privileġġ li jagħtu b’qalb tajba.”—2 Kor. 8:1-​4.

Għalhekk, jekk nistgħu nikkontribwixxu biss ‘żewġ muniti taʼ valur żgħir,’ għandna niftakru li ħafna kontribuzzjonijiet żgħar jistgħu jammontaw għal ammont kbir. Meta nagħtu minn qalbna, se nogħġbu lil Missierna tas-​sema li hu ġeneruż, għax “Alla jħobb lil min jagħti bil-​ferħ.”—2 Kor. 9:7.