X’Tistaʼ Titgħallem mill-Kanzunetti Oriġinali?

Liema huma xi ftit mill-​kanzunetti oriġinali favoriti tiegħek? Għala? Taħseb li l-​vidjows juru xeni tal-​ħajja taʼ kuljum? B’din il-​varjetà kollha taʼ temi u stili taʼ mużika, hemm xi ħaġa għal kulħadd. Madankollu, il-​kanzunetti oriġinali u l-​vidjows taʼ magħhom mhumiex biss għall-​pjaċir.

Kull kanzunetta oriġinali tgħallem lezzjonijiet prattiċi li nistgħu napplikaw fil-​ħajja u l-​ministeru Kristjan tagħna. Xi kanzunetti jiffokaw fuq l-​ospitalità, l-​unità, il-​ħbiberija, il-​kuraġġ, l-​imħabba, u l-​fidi. Oħrajn isemmu temi bħal li tmur lura għand Ġeħova, turi maħfra, turi lealtà kuljum, u tfittex għal iktar modi kif taqdi lil Ġeħova. Saħansitra hemm kanzunetta oriġinali dwar l-​użu bilanċjat tal-​mowbajl. Liema lezzjonijiet prattiċi oħra sibt fil-​kanzunetti oriġinali?

ARA L-​VIDJOW TAL-​KANZUNETTA ORIĠINALI WARA L-​KANTUNIERA, U MBAGĦAD WIEĠEB IL-​MISTOQSIJIET LI ĠEJJIN:

• Il-​koppja mdaħħla fiż-​żmien dwar liema barka fil-​futur qed taħseb?—Ġen 12:3

• Kif nistgħu nsaħħu l-​fidi tagħna fl-​abbiltà taʼ Ġeħova li jwettaq il-​wegħdi tiegħu?

• Maʼ min se nieħdu gost nerġgħu niltaqgħu dalwaqt?

• It-​tama tas-​Saltna kif tgħinna nissaportu l-​problemi li qed niffaċċjaw issa?—Rum 8:25