GĦIX BĦALA KRISTJAN

Għin Nies li Mhumiex Reliġjużi Jsiru Jafu lill-Ħallieq Tagħhom

Ġieli żżomm lura milli tagħti xhieda lil nies li mhumiex reliġjużi għax taħseb li mhumiex se jisimgħu? Jekk iva, ftakar li ħafna nies li ma kinux reliġjużi, anke atei, saru Xhieda taʼ Ġeħova. Ħafna drabi, kull ma kellhom bżonn kien ftit għajnuna biex jaraw l-evidenza li Alla jeżisti.—Rum 1:20; 10:14.

ARA L-VIDJOW FTAKAR LI NIES BLA FIDI JISTGĦU JINBIDLU!—NIES MHUX RELIĠJUŻI, U MBAGĦAD WIEĠEB IL-MISTOQSIJA LI ĠEJJA:

L-esperjenza taʼ Tommaso kif tgħinek tkun pożittiv meta titkellem maʼ nies li mhumiex reliġjużi?

It-tweġiba tiegħek

Kif tagħmel dan

Jekk persuna tgħidlek li ma temminx f’Alla, kun qalbek tajba, uża t-tattika, u b’mod sinċier uri interess f’kif tħossha u f’dak li taħseb dwar dan is-suġġett. (2Ti 2:24) Tkellem fuq suġġetti li x’aktarx se jinteressawha. Staqsi lilek innifsek: ‘Hi lesta li titkellem dwar l-evidenza li għenet lil ħafna jemmnu f’Ħallieq?’ Jekk iva, uża l-pubblikazzjonijiet u l-vidjows li ġew iddisinjati għal din ir-raġuni. Il-browxers Was Life Created? u The Origin of Life—Five Questions Worth Asking issa qegħdin fil-Kaxxa tal-Għodda tat-Tagħlim biex insibuhom iżjed faċli.

Imma għall-ewwel, jaf iżżomm lura milli titkellem dwar il-verità maʼ xi ħadd li ma jemminx f’Alla. Jekk tħossok hekk, għala ma ssaqsix pubblikatur b’iżjed esperjenza biex jgħinek? Ftakar ukoll li Ġeħova jistaʼ jgħinna nilħqu l-qlub taʼ dawk li huma sinċiera, anke jekk għall-ewwel ma jemmnux li jeżisti.—At 13:48.