Nota taʼ Taħt

a Xi ngħidu jekk il-​fetus li qed jiżviluppa jidher li mhuwiex normali, jew xi ngħidu jekk diversi embriji jaqbdu mal-​inforra tal-​utru? Jekk mara apposta ttemm tqala tkun qed tagħmel abort. Bl-​IVF, tqaliet multipli (tewmin, triplets, jew iktar) huma komuni, u dawn iżidu r-​riskji, bħal twelid prematur u emorraġiji fl-​omm. Mara li tkun qed iġġorr ħafna fetuses forsi tiġi mħeġġa tikkunsidra “tnaqqis selettiv,” jiġifieri, li tħalli li jinqatel wieħed jew iktar mill-​fetuses. Dan ikun abort apposta, li hu bħal qtil.—Eżo. 21:22, 23; Salm 139:16.