• Nota lill-Ġenituri
    Nitgħallem mill-Bibbja

    • Nota lill-​Ġenituri

      X’inhi l-​aqwa għotja li tistgħu tagħtu lil uliedkom? Huma jeħtieġu ħafna affarijiet, inkluż l-​imħabba, il-​gwida, u l-​protezzjoni tagħkom. Imma żgur li l-​iktar għotja prezzjuża li tistgħu tagħtuhom hi l-​għarfien dwar Ġeħova u dwar il-​veritajiet li nsibu fil-​Kelma tiegħu, il-​Bibbja. (Ġwanni 17:3) Dan l-​għarfien jistaʼ jgħin lil uliedkom isiru jħobbu lil Ġeħova u jaqduh b’qalbhom kollha, saħansitra minn età żgħira.—Mattew 21:16.

      Ħafna ġenituri sabu li t-​tfal żgħar jitgħallmu l-​iktar minn lezzjonijiet u attivitajiet qosra. Għalhekk, hu l-​pjaċir tagħna li nipprovdu din il-​pubblikazzjoni, Nitgħallem mill-​Bibbja. Kull lezzjoni ġiet imħejjija biex tgħallem b’mod sempliċi. L-​istampi u l-​kliem ġew imħejjijin speċifikament għal tfal minn tliet snin ’l isfel. Ġew inklużi xi suġġerimenti għal attivitajiet. Il-​ktieb Nitgħallem mill-​Bibbja mhuwiex xi ġugarell biex it-​tfal jilagħbu bih. Minflok, ġie mħejji biex taqrah flimkien maʼ wliedek, u b’hekk tinkuraġġixxi l-​komunikazzjoni.

      Aħna ċerti li din il-​pubblikazzjoni se tgħinkom tgħallmu lil uliedkom veritajiet mill-​Bibbja ‘minn mindu jkunu trabi.’—2 Timotju 3:14, 15.

      Ħutkom,

      Il-​Ġemgħa li Tiggverna tax-​Xhieda taʼ Ġeħova

  • Lezzjoni 1
    Nitgħallem mill-Bibbja

    • Lezzjoni 1

      Rivelazzjoni 4:11

      Min għamel l-​art, il-​baħar, u l-​baleni kbar?

      Min ħalaq lill-​bnedmin

      mill-​kbar saż-​żgħar?

      Min ħalaq il-​farfett li jtir ’l hemm u ’l hawn?

      Kien Alla Ġeħova li ħalaq kulma naraw.

      ATTIVITAJIET

      Aqra lil uliedek:

      Rivelazzjoni 4:11

      Għid lil uliedek jippontaw lejn:

      L-​istilel Is-​sħab Ix-​xemx

      Id-​dar L-​art Id-​dgħajsa

      Il-​baħar Il-​farfett

      Staqsi lil uliedek:

      X’jismu Alla?

      Ġeħova fejn jgħix?

      X’ħalaq?

  • Lezzjoni 2
    Nitgħallem mill-Bibbja

    • Lezzjoni 2

      Ġenesi 7:7-​10; 8:15-​17

      Ara l-​annimali ħdejn l-​arka taʼ Noè.

      Liema minnhom jinbaħ, u liema jagħmel mee?

      Kien hemm ħafna annimali—il-​kelb, l-​ors, il-​ħanżir . . . 

      L-​arka taʼ Noè salvathom kollha—miż-​żgħir sal-​kbir.

      ATTIVITAJIET

      Aqra lil uliedek:

      Ġenesi 7:7-​10; 8:15-​17

      Għid lil uliedek jippontaw lejn:

      L-​ors Il-​kelb L-​iljunfant

      Il-​ġiraffa L-​iljun Ix-​xadina

      Il-​ħanżir In-​nagħġa

      Iż-​żebra Il-​qawsalla

      Għid lil uliedek jimitaw il-​ħoss taʼ dawn l-​annimali:

      Kelb Iljun Xadina

      Ħanżir Nagħġa

  • Lezzjoni 3
    Nitgħallem mill-Bibbja

    • Lezzjoni 3

      L-​1 Pietru 3:8

      Matthew jsir jaf li l-​ħabib marid.

      Hu joqgħod jaħseb dwar x’għandu jsir.

      “Se niħodlu ittra d-​dar ħalli jħossu ftit aħjar. Jekk nagħmel hekk żgur jieħu pjaċir!”

      Uri qalb tajba, u t-​tnejn tkunu ferħanin!

      ATTIVITAJIET

      Aqra lil uliedek:

      L-​1 Pietru 3:8

      Għid lil uliedek jippontaw lejn:

      Id-​dar Il-​mejda Matthew

      Ix-​xemx L-​għasfur Is-​siġra

      Staqsi lil uliedek:

      Taf b’xi ħadd li ma jiflaħx?

      Kif nistgħu ngħinuh iħossu aħjar?

  • Lezzjoni 4
    Nitgħallem mill-Bibbja

    • Lezzjoni 4

      Atti 14:17

      Amy ma tistax toħroġ

      għax ix-​xita u r-​riħ.

      “Uff, xi dwejjaq!

      Kemm nixtieq li t-​temp kien iktar sabiħ.”

      Wara ftit toħroġ ix-​xemx;

      Amy ferħana se ttir.

      “Issa noħroġ nilgħab ftit.

      Hekk ħafna aħjar—xi pjaċir!”

      Toħroġ tilgħab barra, u tara hemm fil-​ġnien ħaġa wisq sabiħa li tħalliha bla kliem.

      “Ma kontx naf li x-​xita li Alla jagħtina tkabbar fjuri tant sbieħ hawnhekk fil-​ġardina!”

      ATTIVITAJIET

      Aqra lil uliedek:

      Atti 14:17

      Għid lil uliedek jippontaw lejn:

      It-​tieqa L-​għasfur Amy

      Is-​siġra Il-​fjuri

      Sibu l-​affarijiet moħbijin.

      In-​nannakola L-​ajruplan

      Staqsi lil uliedek:

      Ġeħova għala ħalaq ix-​xita?

  • Lezzjoni 5
    Nitgħallem mill-Bibbja

    • Lezzjoni 5

      L-​1 Tessalonikin 5:18

      Jekk ħabib jaħseb fik u jagħtik rigal sabiħ, tistaʼ tagħtih tbissima u tgħanniqa minnufih!

      Imma taf x’m’għandekx tinsa meta tkun qed tagħmel dan? Li tgħidlu “Grazzi ħafna! Tgħidx kemm għamiltni ferħan!”

      ATTIVITAJIET

      Aqra lil uliedek:

      L-​1 Tessalonikin 5:18

      Għid lil uliedek jippontaw lejn:

      Ir-​rigal It-​tifel

      Il-​bieb L-​ikel

      Sibu l-​affarijiet moħbijin.

      It-​tuffieħa It-​telefown

      Staqsi lil uliedek:

      Għala hu tajjeb li tgħid “Grazzi”?

  • Lezzjoni 6
    Nitgħallem mill-Bibbja

    • Lezzjoni 6

      Salm 139:14

      Ċaqlaq subgħajk taʼ saqajk u jdejk.

      Urini mnieħrek, għajnejk, u widnejk.

      Ara saqajk kemm huma tajbin għall-​ġiri, għal-​logħob, għall-​qbiż, u għaż-​żfin!

      Ħares fil-​mera, ħares naqra sew.

      Ġeħova ħalaq kollox b’mod tal-​għaġeb tassew!

      ATTIVITAJIET

      Aqra lil uliedek:

      Salm 139:14

      Għid lil uliedek jippontaw lejn:

      Is-​swabaʼ taʼ jdejhom

      Is-​swabaʼ taʼ saqajhom

      Imneħirhom Għajnejhom

      Widnejhom Ħalqhom

      Sibu l-​affarijiet moħbijin.

      Il-​granċ Il-​qattus

      Staqsi lil uliedek:

      Min ħalaqna?