Għalkemm mhux dejjem hu faċli li tistudja l-​Bibbja, dan se jgħinek ħafna. Jaf ikun hemm mumenti fejn tħoss li ma tistax tibqaʼ tistudja l-​Bibbja. Imma għala hu worth it li tibqaʼ tistudja? X’se jgħinek tibqaʼ tistudja minkejja li tiffaċċja xi problemi?

1. Għala hu importanti li tistudja l-​Bibbja?

“Il-​kelma t’Alla hi ħajja u qawwija.” (Ebrej 4:12) Il-​Bibbja hi importanti għax turi x’jaħseb u xi jħoss Alla dwarek. Int se titgħallem ħafna affarijiet, se jkollok ħajja aħjar u jkollok tama sabiħa għall-​futur. Imma l-​iżjed ħaġa importanti hi li l-​Bibbja tgħinek issir ħabib t’Alla. Meta tistudja l-​Bibbja se jkollok ħajja iżjed ferħana.

2. Għala rridu naraw kemm huma importanti l-​veritajiet tal-​Bibbja?

Il-​veritajiet tal-​Bibbja huma bħal teżor. Il-​Bibbja għalhekk tinkuraġġina biex ‘nixtru l-​verità u ma nbigħuhiex.’ (Proverbji 23:23) Meta nżommu f’moħħna kemm huma importanti l-​veritajiet tal-​Bibbja, aħna se nagħmlu minn kollox biex nibqgħu nistudjawha, anki meta jinqalgħu l-​problemi.​—Aqra Proverbji 2:​4, 5.

3. Ġeħova kif se jgħinek tibqaʼ tistudja?

Bħala l-​Wieħed li ħalaq kollox u l-​Ħabib tiegħek, Ġeħova jrid jgħinek titgħallem dwaru. Hu jgħinek billi jagħtik ix-​xewqa u l-​qawwa biex tistudja l-​Kelma tiegħu. (Aqra Filippin 2:13; 4:13.) Għalhekk, jekk ikollok bżonn l-​għajnuna biex tkompli tistudja jew biex tagħmel dak li qed titgħallem, hu jistaʼ jgħinek. Hu jistaʼ jtik is-​saħħa li jkollok bżonn biex tiffaċċja problemi jew oppożizzjoni. B’mod regolari, itlob lil Ġeħova għall-​għajnuna biex jgħinek tkompli tistudja l-​Bibbja.​—1 Tessalonikin 5:17.

TGĦALLEM IŻJED

4. Kun ċert li l-​istudju tal-​Bibbja hu importanti għalik

Kultant, tant ikollna x’nagħmlu li nħossu li m’għandniex ħin biex nistudjaw il-​Bibbja. X’se jgħinna? Aqra Filippin 1:​10, u mbagħad iddiskuti:

• Liema huma xi affarijiet fil-​ħajja li taħseb li huma “iktar importanti”?

• X’tistaʼ tagħmel biex turi li l-​istudju tal-​Bibbja hu importanti għalik?

1. Jekk timla barmil bir-​ramel u tipprova żżidlu l-​ġebel, il-​ġebel mhux se joqgħod

2. Jekk tpoġġi l-​ġebel l-​ewwel, ir-​ramel se joqgħod kważi kollu. Bl-​istess mod, jekk tpoġġi l-​affarijiet “iktar importanti” l-​ewwel f’ħajtek, se jirnexxilek tagħmel dan u affarijiet oħra

Meta nistudjaw il-​Bibbja, inkunu qed nieħdu ħsieb il-​bżonn spiritwali tagħna. Dan ifisser li nsiru nafu u naqdu lil Alla. Aqra Mattew 5:​3, u mbagħad iddiskuti:

• Kif se tibbenefika meta tagħmel l-​istudju tal-​Bibbja prijorità?

5. Ibqaʼ studja anki meta jipprovaw iwaqqfuk

VIDJOW: Riżultati Tajbin Talli Ssaporta (5:​22)

• Fil-​vidjow, kif ħassewhom il-​familja u l-​ħbieb taʼ Francesco meta qalilhom x’kien qed jitgħallem?

• X’riżultati tajbin kellu talli ssaporta?

Aqra t-​2 Timotju 2:​24, 25, u mbagħad iddiskuti:

• Il-​familja u l-​ħbieb tiegħek kif iħossuhom dwar dak li qed titgħallem?

• Skont dawn il-​versi, b’liema mod għandek twieġeb meta xi ħadd ma jiħux pjaċir li qed tistudja l-​Bibbja? Għala taħseb hekk?

6. Kun ċert li Ġeħova se jgħinek

VIDJOW: Ġeħova Għenni Nsir Persuna Aħjar (3:​56)

• Fil-​vidjow, x’bidliet għamel Jim biex jogħġob lil Ġeħova?

• X’jogħġbok l-​iżjed minn dan l-​eżempju?

Aqra Ebrej 11:​6, u mbagħad iddiskuti:

• Ġeħova x’se jagħmel għal dawk li “jfittxuh bil-​ħeġġa,” jiġifieri dawk li jagħmlu li jistgħu biex isiru jafuh u jogħġbuh?

• Skont il-​vers, jieħu pjaċir Ġeħova meta jarak tagħmel sforz biex tistudja l-​Bibbja? Għala taħseb hekk?

XI DDISKUTEJNA?

Li tistudja l-​Bibbja mhux dejjem hu faċli, imma dan se jgħinek tkun ferħan għal dejjem. Ibqaʼ afda f’Ġeħova, u se tara kif jgħinek.

X’Tgħallimt

• Għala hija importanti għalik il-​verità li qed titgħallem mill-​Bibbja?

• Kif tistaʼ turi li l-​istudju tal-​Bibbja hu importanti għalik?

• Għala għandek titlob lil Ġeħova biex jgħinek tibqaʼ tistudja l-​Bibbja?

ARA IŻJED

Sir af erbaʼ affarijiet li għenu lil oħrajn jużaw il-​ħin bl-​aħjar mod.

“Kif tinvesti l-​ħin tiegħek bil-​għaqal” (Stenbaħ!, Frar 2014)

Ara kif Ġeħova għen lil mara li r-​raġel tagħha ma fehemx għala xtaqet togħġob lil Alla.

Ġeħova jsaħħaħna sabiex inġorru t-​tagħbija tagħna (5:​05)

Ara kif raġel ibbenefika talli l-​mara tiegħu baqgħet tissaporti.

Trattajt il-​Verità bħal Każ (6:​30)

Ix-​Xhieda taʼ Ġeħova kultant jiġu akkużati li jifirdu l-​familji. Imma dan vera?

“Ix-​Xhieda taʼ Ġeħova jkissru l-​familji jew isaħħuhom?” (Artiklu fuq jw.org)

Kulħadd għandu deċiżjonijiet x’jieħu. Ħafna minn dawn id-​deċiżjonijiet jistgħu jeffettwaw lilna u l-​ħbiberija tagħna maʼ Ġeħova. Pereżempju, irridu niddeċiedu fejn se ngħixu, kif se naqilgħu l-​flus biex ngħixu, u jekk hux se niżżewġu. Meta tieħu deċiżjonijiet tajbin, jistaʼ jkollok ħajja ferħana u togħġob lil Ġeħova.

1. Kif tistaʼ tuża l-​Bibbja biex tgħinek tieħu deċiżjonijiet tajbin?

Qabel ma tieħu deċiżjoni, itlob lil Ġeħova biex jgħinek u ara mill-​Bibbja x’jaħseb fuq dik is-​sitwazzjoni. (Aqra Proverbji 2:​3-​6.) F’xi sitwazzjonijiet, Ġeħova jgħidilna eżatt xi rridu nagħmlu. Mela l-​aħjar deċiżjoni tkun li tobdih.

Imma x’se tagħmel jekk Ġeħova ma jgħidlekx eżatt xi trid tagħmel fil-​Bibbja? Ġeħova xorta se ‘jmexxik fit-​triq li għandek timxi.’ (Isaija 48:17) Kif? Jistaʼ jkun hemm prinċipji li jgħinuk. Prinċipji mill-​Bibbja huma veritajiet importanti li juruna kif iħossu u x’jaħseb Alla. Meta naqraw rakkont mill-​Bibbja, kemm-​il darba nitgħallmu kif iħossu Alla dwar xi ħaġa partikolari. U meta nsiru nafu kif iħossu Ġeħova, inkunu nistgħu nieħdu deċiżjonijiet li jogħġbuh.

2. Fuqiex għandek taħseb qabel ma tiddeċiedi?

Il-​Bibbja tgħidilna biex ‘inqisu l-​passi tagħna.’ (Proverbji 14:15) Dan ifisser li qabel nieħdu deċiżjoni, irridu nieħdu l-​ħin biex naħsbu dwar l-​għażliet li għandna. Qabel tiddeċiedi saqsi lilek innifsek: ‘Liema prinċipji mill-​Bibbja se jgħinuni? B’liema deċiżjoni se jkolli moħħi mistrieħ? Id-​deċiżjoni li nieħu kif se teffettwa lil oħrajn? U l-​iżjed importanti, Ġeħova se jkun ferħan b’dak li nagħżel?’​—Proverbji 27:12.

Ġeħova għandu d-​dritt li jgħidilna x’inhu tajjeb u x’inhu ħażin. Aħna nistgħu nsiru nafu sew il-​liġijiet u l-​prinċipji taʼ Ġeħova u nkunu determinati li nobduhom. Meta nagħmlu hekk, inkunu qed nittrennjaw il-​kuxjenza tagħna. Il-​kuxjenza tgħidilna x’inhu tajjeb u x’inhu ħażin. (Rumani 2:​14, 15) Kuxjenza trenjata se tgħinna nieħdu deċiżjonijiet tajbin.

TGĦALLEM IŻJED

3. Ħalli l-​Bibbja tgħinek

VIDJOW: Ħallu l-​prinċipji Bibliċi jiggwidawkom (5:​54)

• X’inhi l-​libertà tal-​għażla?

• Ġeħova għala tana l-​libertà li niddeċiedu għalina?

• X’tana biex jgħinna nieħdu l-​aħjar deċiżjonijiet?

Biex tara eżempju taʼ prinċipju mill-​Bibbja, aqra Efesin 5:​15, 16. Imbagħad iddiskuti kif tistaʼ ‘tuża l-​ħin bl-​aħjar mod’ biex . . .

• taqra l-​Bibbja b’mod regolari.

• tkun persuna aħjar fil-​familja.

• tmur il-​laqgħat.

4. Ittrennja l-​kuxjenza tiegħek biex tieħu deċiżjonijiet tajbin

VIDJOW: “Żommu kuxjenza tajba” (5:​13)

• Fil-​vidjow, l-​oħt x’għamlet biex tittrennja l-​kuxjenza tagħha u tieħu deċiżjoni li togħġob lil Ġeħova?

Għala m’għandniex insaqsu lil oħrajn biex jiddeċiedu għalina? Aqra Ebrej 5:​14, u mbagħad iddiskuti:

• Għalkemm hu faċli biex insaqsu lil oħrajn biex jiddeċiedu għalina, xi rridu nkunu nafu aħna stess?

• X’jistaʼ jgħinek tittrennja l-​kuxjenza u tieħu deċiżjonijiet tajbin?

5. Irrispetta l-​kuxjenza t’oħrajn

Kulħadd jieħu deċiżjonijiet differenti. Kif nistgħu nuru li nirrispettaw il-​kuxjenza t’oħrajn? Ejja naraw żewġ eżempji:

L-​1 eżempju: Oħt li tħobb stil partikolari bidlet il-​kongregazzjoni tagħha. Hemmhekk ħafna aħwa nisa ma jiħdux pjaċir bl-​istil tagħha.

Aqra Rumani 15:1 u l-​1 Korintin 10:​23, 24, u mbagħad iddiskuti:

• Skont dawn il-​versi, l-​oħt x’tistaʼ tiddeċiedi li tagħmel? Int x’tagħmel jekk tkun maʼ persuna li l-​kuxjenza tagħha tgħidilha biex ma tagħmilx xi ħaġa waqt li l-​kuxjenza tiegħek tħallik?

It-​2 eżempju: Ħu jaf li l-​Bibbja ma tgħidx li ma tistax tixrob l-​alkoħol. Imma hu ddeċieda li ma jridx jixrob. Hu jiġi mistieden u jara aħwa oħrajn jixorbu l-​alkoħol.

Aqra Ekkleżjasti 7:16 u Rumani 14:​1, 10, u mbagħad iddiskuti:

• Skont dawn il-​versi, il-​ħu x’jistaʼ jiddeċiedi li jagħmel? Int x’se tagħmel jekk tara lil xi ħadd ieħor jagħmel xi ħaġa li l-​kuxjenza tiegħek ma tħallikx tagħmilha?

X’se jgħinek tieħu deċiżjonijiet tajbin?

1. Saqsi lil Ġeħova biex jgħinek tiddeċiedi x’se tagħmel.​—Ġakbu 1:5.

2. Fittex fil-​Bibbja u pubblikazzjonijiet ibbażati fuq il-​Bibbja biex issib prinċipji li se jgħinuk. Tistaʼ wkoll issaqsi ħu jew oħt matura fil-​kongregazzjoni biex tgħinek.

3. Aħseb kif se teffettwa l-​kuxjenza tiegħek u t’oħrajn b’dak li tagħmel.

XI DDISKUTEJNA?

Aħna nieħdu deċiżjonijiet tajbin meta nkunu nafu x’jaħseb Alla. Imbagħad naħsbu jekk dak li se nagħmlu hux se jgħin jew iweġġaʼ lil oħrajn.

X’Tgħallimt

• Kif tistaʼ tieħu deċiżjonijiet li jogħġbu lil Ġeħova?

• Kif tistaʼ tittrennja l-​kuxjenza tiegħek?

• Kif tirrispetta l-​kuxjenza t’oħrajn?

ARA IŻJED

Kif tistaʼ tieħu deċiżjonijiet li se jgħinuk issir iżjed ħabib t’Alla?

“Ħu Deċiżjonijiet li Jonoraw lil Alla” (It-​Torri tal-​Għassa, 15 t’April 2011)

Sir af iżjed kif Ġeħova jurina x’għandna nagħmlu.

Ġeħova Jmexxi lill-​Poplu Tiegħu (9:​50)

Tgħallem x’għen lil raġel biex jieħu deċiżjoni diffiċli.

Ġeħova Jagħti Garanzija taʼ Kull Ħaġa Tajba (5:​46)

Sir af kif tistaʼ togħġob lil Ġeħova meta ma jgħidilniex eżatt xi rridu nagħmlu.

“Dejjem Għandek Bżonn Kmand tal-​Bibbja?” (It-​Torri tal-​Għassa, 1 taʼ Diċembru 2003)