1:2, 3​—L-​imħabba tar-​ragħaj żagħżugħ għala hija bħal inbid u ismu bħaż-​żejt? Bħalma l-​inbid iferraħ il-​qalb taʼ raġel u t-​tferrigħ taż-​żejt fuq ras xi ħadd jikkalma lil dak li jkun, l-​imħabba taż-​żagħżugħ u ismu saħħew u farrġu lix-​xebba. (Salm 23:5; 104:15) Il-​Kristjani veri, speċjalment dawk midlukin, bl-​istess mod jiksbu qawwa u inkuraġġiment meta jirriflettu fuq l-​imħabba li Ġesù Kristu wera lejhom.

1:2; 2:6. Espressjonijiet taʼ mħabba moralment nodfa jistgħu jkunu xierqa waqt l-​għerusija. Madankollu, koppja għandha tieħu ħsieb li dawn ikunu turijiet t’affezzjoni ġenwina u mhux passjoni mhux nadifa li tistaʼ twitti t-​triq għall-​immoralità sesswali.​—Galatin 5:​19.