16, 17. X’se jiġrilhom l-​abitanti taʼ Tir meta taqaʼ l-​belt? (Ara n-​nota taʼ taħt.)

¹⁶ Isaija jkompli bil-​kundanna minn Jehovah kontra Tir: “Aħdem artek, bint Tarsis, għax il-​port m’għadux hemm. Il-​Mulej medd idu fuq il-​baħar, u riegħed is-​saltniet. Il-​Mulej ordna lil Kangħan, li tħott il-​fortizzi tagħha. U qal: ‘La tifraħx iżjed, xbejba [“verġni,” “NW”] mkasbra, bint Sidon! Qum, mur imqar għand il-​Kittin, lanqas hemm ma ssib mistrieħ.’”—Isaija 23:​10-12.

18. Tir għala tissejjaħ ‘il-​verġni bint Sidon,’ u l-​istat tagħha kif se jinbidel?

¹⁸ Isaija jitkellem ukoll dwar Tir bħala ‘l-​verġni bint Sidon,’ u b’hekk jindika li din qatt qabel ma ġiet maħtufa u misruqa minn konkwistaturi barranin u għadha tgawdi stat bħala waħda mhix imrażżna. (Qabbel it-​2 Slaten 19:21; Isaija 47:1; Ġeremija 46:11.) Iżda, issa trid tinġieb fix-​xejn, u xi wħud mir-​residenti tagħha se jaqsmu għan-​naħa l-​oħra lejn il-​kolonja Feniċja taʼ Kittin bħala refuġjati. Minkejja dan, billi jkunu tilfu l-​qawwa ekonomika tagħhom, m’humiex se jsibu mistrieħ hemmhekk.