Il-Bibbja taʼ spiss tuża pjanta, bħalma hi siġra, bħala tixbieha. Xi drabi dan jiġi mill-​fatt li bħalma żerriegħa tinbet u tikber, l-​għeruq jiżżviluppaw qabel il-​friegħi ħoxnin, friegħi oħrajn, jew frott li kollha huma appoġġjati mill-​għeruq. Per eżempju, Isaija 37:31 jgħid: “Dawk li jaħarbu tad-​dar taʼ Ġuda, dawk li jitħallew jibqgħu, ċertament li se jrabbu għerq ’l isfel u jipproduċu frott ’il fuq.”—Ġob 14:8, 9; Isaija 14:29.

Il-lingwaġġ f’​Isaija 37:31 u f’​Malakija 4:1 ġej mill-​fatt li l-​friegħi l-​ħoxnin (u l-​frott fuq friegħi sekondarji) jisiltu l-​ħajja tagħhom mill-​għerq. Dan huwa l-​qofol għal li wieħed jifhem kif Ġesù hu l-​“għerq taʼ Ġesse” u l-​“għerq taʼ David.”