12. (a) Għala m’għandniex inkunu ħfief biex niġġudikaw lil Ġona talli raqad waqt it-​tempesta? (Ara wkoll in-​nota taʼ taħt.) (b) Ġeħova kif irrivela l-​kaġun tas-​saram li nqalaʼ?

¹² Peress li ħass li ma setaʼ jagħmel xejn biex jagħti daqqa t’id, Ġona niżel taħt il-​gverta tal-​bastiment u sab rokna fejn jimtedd. Hemmhekk marret għajnu bih u raqad raqda fil-​fond.b Il-​kaptan sab lil Ġona, qajmu mir-​raqda, u ħeġġu jitlob lill-​alla tiegħu, kif kien qed jagħmel kulħadd. Konvinti li kien hemm xi ħaġa sopranaturali dwar din it-​tempesta, il-​baħħara tefgħu x-​xorti biex jaraw min fost dawk abbord setaʼ kien il-​kaġun taʼ dan is-​saram. Bla ebda dubju, qalb Ġona għamlet tikk hekk kif bix-​xorti beda jiġi eliminat raġel wara ieħor. Iż-​żejt malajr telaʼ f’wiċċ l-​ilma. Ġeħova kien qed jidderieġi t-​tempesta, kif ukoll ix-​xorti, lejn raġel wieħed—Ġona!—Aqra Ġona 1:5-​7.