Lest Biex Titgħammed?

Int u tistudja l-​Bibbja tgħallimt ħafna affarijiet dwar Ġeħova. Jaf anki għamilt bidliet f’ħajtek biex tagħmel dak li tgħallimt. Imma jaf hemm xi ħaġa li qiegħda żżommok lura milli tiddedika lilek innifsek lil Ġeħova u titgħammed. Din il-​lezzjoni se titkellem dwar xi affarijiet li jistgħu jżommuk lura milli titgħammed u x’se jgħinek biex tagħmel dan il-​pass.

1. Kemm trid tkun taf dwar il-​Bibbja qabel titgħammed?

Biex titgħammed, irid ikollok “għarfien eżatt dwar il-​verità.” (1 Timotju 2:4) Dan ma jfissirx li trid tkun kapaċi twieġeb kull mistoqsija dwar il-​Bibbja qabel titgħammed. Anki Kristjani li ilhom mgħammdin għal ħafna snin jibqgħu jitgħallmu. (Kolossin 1:​9, 10) Imma għandek tkun taf l-​affarijiet importanti li tgħallem il-​Bibbja. L-​anzjani fil-​kongregazzjoni jistgħu jgħinuk tara jekk tafx biżżejjed dwar il-​Bibbja.

2. Xi trid tagħmel qabel titgħammed?

Qabel titgħammed trid ‘tindem u ddur lura.’ (Aqra Atti 3:​19.) Dan ifisser li vera jiddispjaċik għall-​affarijiet ħżiena li tkun għamilt fil-​passat u titlob lil Ġeħova biex jaħfirlek. Trid tkun determinat li ma tagħmilx iżjed dak li Alla jgħid li hu ħażin u li tgħix kif jogħġob lilu. U anki tibda tmur il-​laqgħat u tipprietka mal-​aħwa tal-​kongregazzjoni.

3. Għala m’għandekx tibżaʼ u żżomm lura?

Xi nies jibżgħu li mhumiex kapaċi jżommu l-​wegħda li għamlu lil Ġeħova. Veru li xi kultant ħa tagħmel xi żbalji, bħalma għamlu rġiel u nisa leali fil-​Bibbja. Imma ftakar li Ġeħova mhux qed jistenna li l-​qaddejja tiegħu jkunu perfetti. (Aqra Salm 103:​13, 14.) Hu se jieħu pjaċir meta tagħmel l-​aħjar li tistaʼ. U fil-​fatt se jgħinek. Ġeħova jwegħedna li xejn “ma jistaʼ jifridna mill-​imħabba” tiegħu.​—Aqra Rumani 8:​38, 39.

TGĦALLEM IŻJED

4. Sir af lil Ġeħova aħjar

Kemm trid tkun tafu sew lil Ġeħova qabel titgħammed? Trid tkun tafu biżżejjed biex tħobbu u togħġbu. Ara l-​VIDJOW biex issir taf kif studenti tal-​Bibbja madwar id-​dinja saru jafu lil Ġeħova aħjar. Imbagħad iddiskuti l-​mistoqsija.

VIDJOW: It-​Triq għall-​Magħmudija (3:​56)

• Fil-​vidjow, x’għen lil xi nies ikunu lesti biex jitgħammdu?

Aqra Rumani 12:​2, u mbagħad iddiskuti:

• Għandek xi dubji dwar dak li tgħallem il-​Bibbja jew jekk ix-​Xhieda taʼ Ġeħova jgħallmux il-​verità?

• Jekk iva, x’tistaʼ tagħmel?

5. Egħleb sfidi li jistgħu jżommuk lura

Kollha kemm aħna niffaċċjaw sfidi meta niddeċiedu li se niddedikaw lilna nfusna lil Ġeħova u nitgħammdu. Ara l-​VIDJOW biex tara eżempju, u mbagħad iddiskuti.

VIDJOW: L-​Imħabba għal Ġeħova Għenitni Negħleb l-​Isfidi (5:​22)

• Fil-​vidjow, Narangerel xi sfidi kellha tegħleb biex taqdi lil Ġeħova?

• L-​imħabba għal Ġeħova kif għenitha tegħleb dawk l-​isfidi?

Aqra Proverbji 29:25 u t-​2 Timotju 1:​7, u mbagħad iddiskuti:

• X’jagħtina l-​kuraġġ biex negħlbu l-​isfidi?

6. Kun ċert li Ġeħova se jgħinek

Ġeħova se jgħinek biex taqdih kif jixtieq hu. Ara l-​VIDJOW, u mbagħad iddiskuti l-​mistoqsijiet.

VIDJOW: Alla Ġeħova se jgħinek (2:​50)

• Fil-​vidjow, dak li kien qed jistudja l-​Bibbja għala beda jżomm lura milli jitgħammed?

• X’għenu biex jafda iżjed f’Ġeħova?

Aqra Isaija 41:​10, 13, u mbagħad iddiskuti:

• Għala tistaʼ tkun ċert li se żżomm il-​wegħda li tagħmel fid-​dedikazzjoni tiegħek?

7. Apprezza iżjed kemm iħobbok Ġeħova

Iżjed ma taħseb kemm iħobbok Ġeħova, iżjed se tapprezza u tkun trid taqdih għal dejjem. Aqra Salm 40:​5, u mbagħad iddiskuti:

• Liema barkiet mingħand Ġeħova l-​iżjed li tapprezza?

Il-​profeta Ġeremija kien iħobb lil Ġeħova u dak li jgħid. Hu kien japprezza ħafna l-​privileġġ li jaqdi lil Ġeħova. Ġeremija qal: “Kelmtek saret għalija l-​ferħ u l-​hena taʼ qalbi; għax ismek issejjaħ fuqi, O Ġeħova.” (Ġeremija 15:16) Wieġeb dawn il-​mistoqsijiet:

• Għala huwa privileġġ sabiħ li tkun wieħed mix-​Xhieda taʼ Ġeħova?

• Trid titgħammed bħala Xhud taʼ Ġeħova?

• Hemm xi ħaġa li qed iżżommok?

• X’taħseb li trid tagħmel biex tkun lest li titgħammed?

XI DDISKUTEJNA?

Ġeħova se jgħinek tegħleb l-​isfidi li jkollok biex titgħammed.

X’Tgħallimt

• Kemm trid tkun taf dwar il-​Bibbja biex titgħammed?

• X’bidliet jaf ikollok tagħmel qabel titgħammed?

• Għala m’għandekx tibżaʼ titgħammed?

ARA IŻJED

Ifhem x’għandha tkun ir-​raġuni biex titgħammed.

“Lest Int Biex Titgħammed?” (It-​Torri tal-​Għassa, Marzu 2020)

Tgħallem kif tistaʼ tegħleb xi sfidi li qed iżommuk milli titgħammed.

“X’qed iżommni milli nitgħammed?” (It-​Torri tal-​Għassa, Marzu 2019)

Sir af kif raġel irnexxielu jegħleb sfidi kbar biex ikun jistaʼ jitgħammed.

‘Għala Qed Iddum Biex Titgħammed?’ (1:​10)

Għall-​ewwel, raġel jismu Ataa beda jaħsibha jekk jitgħammidx. Ara xi kkonvinċieh jieħu din id-​deċiżjoni importanti.

Jixraqli Dan Kollu? (7:​21)