• Kif Tieħu Deċiżjonijiet Tajbin
    Għix Ħajja Ferħana għal Dejjem!—Il-Bibbja Turik Kif

    • 5. Irrispetta l-​kuxjenza t’oħrajn

      Kulħadd jieħu deċiżjonijiet differenti. Kif nistgħu nuru li nirrispettaw il-​kuxjenza t’oħrajn? Ejja naraw żewġ eżempji:

      L-​1 eżempju: Oħt li tħobb stil partikolari bidlet il-​kongregazzjoni tagħha. Hemmhekk ħafna aħwa nisa ma jiħdux pjaċir bl-​istil tagħha.

      Aqra Rumani 15:1 u l-​1 Korintin 10:​23, 24, u mbagħad iddiskuti:

      • Skont dawn il-​versi, l-​oħt x’tistaʼ tiddeċiedi li tagħmel? Int x’tagħmel jekk tkun maʼ persuna li l-​kuxjenza tagħha tgħidilha biex ma tagħmilx xi ħaġa waqt li l-​kuxjenza tiegħek tħallik?

      It-​2 eżempju: Ħu jaf li l-​Bibbja ma tgħidx li ma tistax tixrob l-​alkoħol. Imma hu ddeċieda li ma jridx jixrob. Hu jiġi mistieden u jara aħwa oħrajn jixorbu l-​alkoħol.

      Aqra Ekkleżjasti 7:16 u Rumani 14:​1, 10, u mbagħad iddiskuti:

      • Skont dawn il-​versi, il-​ħu x’jistaʼ jiddeċiedi li jagħmel? Int x’se tagħmel jekk tara lil xi ħadd ieħor jagħmel xi ħaġa li l-​kuxjenza tiegħek ma tħallikx tagħmilha?

      X’se jgħinek tieħu deċiżjonijiet tajbin?

      Mara titlob.

      1. Saqsi lil Ġeħova biex jgħinek tiddeċiedi x’se tagħmel.​—Ġakbu 1:5.

      L-​istess mara qed tfittex fil-​Bibbja, fil-​pubblikazzjonijiet ibbażati fuq il-​Bibbja, u fil-​kompjuter.

      2. Fittex fil-​Bibbja u pubblikazzjonijiet ibbażati fuq il-​Bibbja biex issib prinċipji li se jgħinuk. Tistaʼ wkoll issaqsi ħu jew oħt matura fil-​kongregazzjoni biex tgħinek.

      L-​istess mara qed taħseb.

      3. Aħseb kif se teffettwa l-​kuxjenza tiegħek u t’oħrajn b’dak li tagħmel.