‘Warrab Xi Ħaġa’

Fil-​kongregazzjoni Kristjana tal-​bidu, kien hemm bżonnijiet materjali li riedu jingħataw attenzjoni. Hekk kif kull individwu kien qed ikollu r-​riżq, kien jiġi mħeġġeġ biex “iwarrab xi ħaġa” bħala kontribuzzjoni għal dawk il-​bżonnijiet. (1 Kor. 16:​1-3) Bħala riżultat tal-​ġenerożità tagħhom, ilkoll kienu henjin f’li jagħtu “kotra taʼ radd il-​ħajr lil Alla.”—2 Kor. 9:​11, 12.

Illum ix-​xogħol tal-​poplu taʼ Jehovah mad-​dinja kollha qed ikompli jinfirex, u b’hekk għandu bżonn taʼ iktar u iktar appoġġ finanzjarju. Huwa xieraq li aħna wkoll ‘inwarrbu xi ħaġa’ b’mod regulari ħalli ngħinu biex jintlaħaq dan il-​bżonn. (2 Kor. 8:​3, 4) L-​għoti materjali jistaʼ jsir b’diversi modi. (Ara t-​Torri taʼ l-​Għassa taʼ l-​1 taʼ Novembru 2001, paġni 28-9.) Aħna b’mod xieraq inqisuh bħala privileġġ li jġib ferħ veru.—Atti 20:35.