• Qed tara “lil Dak li hu inviżibbli”?
    It-Torri tal-Għassa—2014 | April 15

    • 10. (a) Ġeħova liema istruzzjonijiet ta lill-​Iżraelin fix-​xahar taʼ Nisan tas-​sena 1513 QEK? (b) Mosè għala obda l-​istruzzjonijiet t’Alla?

      10 Fix-​xahar taʼ Nisan tas-​sena 1513 QEK, Ġeħova qal lil Mosè u Aron biex jagħtu lill-​Iżraelin dawn l-​istruzzjonijiet li dehru strambi: Agħżlu ħaruf f’saħħtu tan-​nagħaġ jew tal-​mogħoż, oqtluh, u roxxu d-​demm tiegħu fuq id-​daħla tal-​bieb tagħkom. (Eżo. 12:3-​7) Mosè kif wieġeb? L-​appostlu Pawlu iktar tard kiteb hekk dwaru: “Bil-​fidi ċċelebra l-​Qbiż u t-​traxxix tad-​demm, biex il-​qerried ma jmissilhomx lill-​ewwel imweldin.” (Ebr. 11:28) Mosè kien jaf li Ġeħova hu taʼ min jafdah, u kellu fidi li l-​ewwel imweldin kollha fost l-​ulied subien fl-​Eġittu kienu se jmutu.

      11. Mosè għala wissa lil oħrajn?

      11 Mosè kien iħobb lill-​bnedmin sħabu. Hu b’ubbidjenza wissa lill-​familji Iżraelin l-​oħrajn li l-​ewwel imweldin tagħhom kienu fil-​periklu, avolja l-​ulied taʼ Mosè milli jidher kienu f’Midjan, ’il bogħod u protetti. (Eżo. 18:1-​6) Biex isalvalhom ħajjithom mill-​“qerried,” Mosè “minnufih sejjaħ lix-​xjuħ kollha taʼ Israel u qalilhom: . . . ‘Oqtlu l-​vittma tal-​Qbiż.’”​—Eżo. 12:21.a

      12. Ġeħova liema messaġġ importanti qalilna biex nippritkaw?

      12 Bl-​għajnuna tal-​anġli, il-​poplu taʼ Ġeħova qed iħabbar dan il-​messaġġ importanti: “Ibżgħu minn Alla u agħtuh glorja, għax waslet is-​siegħa biex jagħmel il-​ġudizzju, u għalhekk qimu lil Dak li għamel is-​sema u l-​art u l-​baħar u l-​għejun taʼ l-​ilmijiet.” (Riv. 14:7) Issa hu ż-​żmien li nippritkaw dan il-​messaġġ. Irridu nwissu lill-​ġirien tagħna biex joħorġu minn Babilonja l-​Kbira, ħalli ma ‘jirċivux parti mill-​kastigi tagħha.’ (Riv. 18:4) Kristjani midlukin, bl-​għajnuna tan-​“nagħaġ oħrajn,” jitolbu lin-​nies bil-​ħrara biex isiru ħbieb m’Alla.​—Ġw. 10:16; 2 Kor. 5:20.

      Waħda mix-​Xhieda taʼ Ġeħova qed tlesti biex toħroġ tipprietka hekk kif timmaġina l-​anġli jżommu lura l-​irjieħ qerrieda

      Jekk ikollok fidi f’Ġeħova, ix-​xewqa tiegħek biex tipprietka l-​aħbar tajba se tikber (Ara paragrafu 13)

      13. X’se jgħinek tkabbar ix-​xewqa tiegħek biex tipprietka l-​aħbar tajba?

      13 Aħna konvinti li “s-​siegħa biex jagħmel il-​ġudizzju” waslet. Fiduċjużi wkoll li Ġeħova m’esaġerax l-​urġenza tax-​xogħol tagħna tal-​ippritkar u taʼ li nagħmlu dixxipli. F’viżjoni, l-​appostlu Ġwanni ra “erbaʼ anġli weqfin fl-​erbaʼ rokniet taʼ l-​art, iżommu sew l-​erbat irjieħ taʼ l-​art.” (Riv. 7:1) Bil-​fidi, qed tara lil dawn l-​anġli lesti biex jitilqu l-​irjieħ qerrieda tat-​tribulazzjoni l-​kbira fuq din id-​dinja? Jekk tara lil dawn l-​anġli bl-​għajnejn tal-​fidi, m’intix se żżomm lura milli tipprietka l-​aħbar tajba.