Rivelazzjoni 11:3 jitkellem dwar żewġ xhieda li kienu se jipprofetizzaw għal 1,260 jum. Imbagħad ir-​rakkont jgħid li l-​bhima salvaġġa kienet se “tirbħilhom u toqtolhom.” Imma wara “tlett ijiem u nofs,” dawn iż-​żewġ xhieda kellhom jerġgħu jingħataw il-​ħajja, u dawk kollha li rawhom kienu se jibqgħu mistagħġba.—Riv. 11:7, 11.

Wara li spiċċaw jippritkaw lebsin l-​ixkora, dawn il-​midlukin inqatlu b’mod simboliku meta ġew mitfugħin il-​ħabs għal tlett ijiem u nofs simboliċi. Dan kien perijodu qasir meta mqabbel maʼ kemm damu jippritkaw. F’għajnejn l-​għedewwa tal-​poplu t’Alla, xogħolhom kien ġie fit-​tmiem, u dan ferraħ ħafna lil dawn l-​opponenti.—Riv. 11:8-​10.