Għanja 36
“Henjin il-Kalmi”
1. Ibierek Alla lin-nies kalmi,
B’ferħ kbir huma lkoll jithennew;
Għalkemm isofru, jibqgħu kwieti
U ’l Alla b’sabar jistennew.
Il-ħżiena ma jinkwetawhomx
Għalkemm spiss jitgħollew ’il fuq;
Għal dawn ma hemmx ħajja taʼ dejjem
Se jmutu bħall-ħaxix maħruq.
2. “Kien hemm żmien meta jien kont ċkejken,
Imma llum kbirt,” kien David qal,
“Biss qatt għadni ma rajt lit-twajjeb
Jittallab jew bla ħobż għat-tfal.”
Għalhekk f’Jehovah tafda trid
U għix man-nies bil-fedeltà;
Jekk int tieħu pjaċir b’Jehovah
Hu jbierkek ferm b’feliċità.
3. Mill-art il-ħżiena d’aqt se jgħibu,
Jintemmu bħalma jsir bl-iskart,
U s-sliem hekk il-ġwejdin igawdu
Waqt li għal dejjem jirtu l-art.
Sakemm dan kollu għad iseħħ
Mal-Kelma t’Alla nżommu żgur;
Inkunu lkoll umlin u kalmi
Biex lil Jehovah jkun l-unur.