Għanja 166

Ara l-​Armata taʼ Jehovah!

(Ġojeli 2:7)

1. Taʼ Jehovah l-​qtajja

Taʼ wħud meħlusin,

Jxandru dwar is-​Saltna

Taʼ Ġesù qegħdin.

B’kuraġġ ’l quddiem jimxu,

Kulħadd għax irid,

Bħaż-​żonqor hu wiċċhom,

Ħjiel xejn taʼ tregħid.

Jafdaw lil Jehovah,

Jobdu l-​ordnijiet

Taʼ Ġesù u jxandru:

“L-​ħakma t’Alla bdiet.”

2. Lil Jehovah jaqdu,

Jfittxu n-​“ngħaġ” qegħdin

Li ġo Babilonja

B’irbit miżmumin.

Ħelsien lil dawn joffru

B’tant u tant żjarat;

Lil dawn jistednuhom

Jiġu għal-​laqgħat.

Meta “ngħaġ” isibu

Magħhom jistudjaw

Biex fis-​sew jgħallmuhom

F’Alla jittamaw.

3. Ara l-​folla kbira

B’kuraġġ jimmarċjaw

Taħt il-​kmand taʼ Kristu,

Mal-​“fdal” javvanzaw.

Bħas-​sriep hum’ attenti,

Nodfa bħall-​ħamiem;

Fil-​persekuzzjoni,

Leali sat-​tmiem.

Jagħtu unur lil Alla

W lil Ġesù s-​Sultan;

Hekk fil-​qima pura

Jwettqu t’Alla l-​għan.