Għanja 27
Tibżgħux minnhom!
1. Fuq quddiem ja poplu tiegħi
Xandar l-aħbar tajba mur.
Tibżax mill-għadu għajjur.
Għid lil kulħadd illi żgur
Ibni s-Sultan Ġesù Kristu
Keċċa mis-sema x-Xitan
U dalwaqt se jorbtu sewwa
Biex kulħadd isib serħan.
(Kor)
2. Għalkemm l-għadu huwa qawwi
W miegħu għandu l-imseħbin
Illi kliemhom ħelu w fin
Biex iqarrqu bid-dgħajfin,
Tibżgħux minnhom, imma ġġieldu
Biex ma taqtgħu qalbkom qatt
Għaliex jien nipproteġikom;
Għalikom ma jistaʼ ħadd.
(Kor)
3. La qatt taħsbu li ninsiekom;
Biex neħliskom mhux se ndum:
Għalkemm tmut int forsi llum
Mill-mewt żgur li int se tqum.
Tibżgħux minnhom. Qawwu qalbkom.
Bil-ftaħir ma jagħmlu xejn;
Insalvakom għax inħobbkom
Daqs il-mimmi tal-għajnejn.
(KOR)
Tibżgħux jekk joqtlu lill-ġisem
Imma ma joqtlux lir-ruħ.
Fedelment sal-aħħar ibqgħu
Biex il-premju żgur tiħduh.