Indokraturi Li Huma Minn Taʼ Quddiem—L-​indokratur Li Jippresiedi

¹ Li taqdi bħala indokratur fil-​kongregazzjoni hija responsabbiltà serja. (Atti 20:28; 1 Tim. 3:1) Dan hu l-​ewwel minn serje t’artikli li se jagħtu ħarsa lejn id-​diversi dmirijiet taʼ l-​anzjani Kristjani sabiex ilkoll kemm aħna nistgħu napprezzaw ix-​xogħol importanti li jagħmlu għalina.

² Is-​Soċjetà taħtar lill-​indokratur li jippresiedi biex jaqdi għal perijodu taʼ żmien indefinit. Peress li l-​indokratur li jippresiedi jikkoordina l-​affarijiet, dan jgħin lill-​anzjani biex jagħtu attenzjoni xierqa għad-​dmirijiet assenjati lilhom. (Organized to Accomplish Our Ministry, paġna 42) Dan x’jinvolvi?

³ L-​indokratur li jippresiedi jirċievi l-​posta tal-​kongregazzjoni u jgħaddiha mill-​ewwel lis-​segretarju biex jieħu ħsiebha hu. Meta jipprepara għal-​laqgħat taʼ l-​anzjani, l-​indokratur li jippresiedi jikseb suġġerimenti mill-​anzjani dwar kwistjonijiet li jkollhom bżonn jiġu diskussi u jagħmel l-​aġenda. Jaqdi wkoll bħala ċ-​ċêrmen fil-​laqgħat taʼ l-​anzjani. Meta jittieħdu xi deċiżjonijiet, jara li jiġu esegwiti b’mod xieraq. Hu jieħu ħsieb il-​preparazzjoni tal-​Laqgħa tas-​Servizz u l-​iskeda tat-​taħditiet pubbliċi. Hu japprova l-​avviżi kollha li jsiru lill-​kongregazzjoni, jawtorizza l-​ħlas taʼ l-​ispejjeż normali li jkun hemm, u jiżgura li kull tliet xhur isir l-​awditjar tal-​kontijiet tal-​kongregazzjoni.

⁴ Bħala ċêrmen, l-​indokratur li jippresiedi jikkoordina x-​xogħol tal-​Kumitat tas-​Servizz tal-​Kongregazzjoni. Meta student tal-​Bibbja jitlob li jiġi rrikonoxxut bħala pubblikatur mhux mgħammed jew meta pubblikatur mhux mgħammed irid jitgħammed, l-​indokratur li jippresiedi jirranġa biex l-​anzjani jiltaqgħu maʼ l-​individwu. L-​indokratur li jippresiedi jkun minn taʼ quddiem f’li jipprepara għaż-​żjara taʼ l-​indokratur tas-​circuit sabiex il-​kongregazzjoni tistaʼ tibbenefika bi sħiħ mill-​ġimgħa t’attività speċjali.

⁵ Id-​dmirijiet taʼ l-​indokratur li jippresiedi huma ħafna u varji. Hekk kif jieħu ħsieb ir-​responsabbiltajiet tiegħu bl-​umiltà u “bil-​ħerqa,” ilkoll kemm aħna nistgħu nagħmlu l-​parti tagħna billi nikkooperaw maʼ l-​anzjani. (Rum. 12:8) Jekk inkunu “ubbidjenti” u “sottomessi” lejn dawk li jieħdu t-​tmexxija fostna, dawn jistgħu jwettqu xogħolhom b’iktar ferħ veru.​—Lhud 13:17, NW.