Għanja 42

“Din Hi l-​Mogħdija”

(Isaija 30:​20, 21)

1. Leħen Alla jsejjaħ biex timxi fit-​triq,

It-​triq li Jehovah ta lilek biex tfiq.

Hu għandu mod wieħed biex juri x’irid

U bih ikellimna u jwissi għall-​ġid.

Din hija t-​triq biex timxi int.

La titnikkirx! Kun int konvint!

B’widnejna stess fil-​pront Nisimgħu ċar u tond:

Aqbad it-​triq jekk int emmint!

L-​ispirtu se jgħinna biex nimxu ’l quddiem

F’mogħdija taʼ tjieba li ġġibilna s-​sliem.

2. Il-​kliem minn warajna, kemm huwa sabiħ,

Għax l-​Għalliem Kbir tagħna l-​għan tiegħu urieh.

Nisimgħu bid-​deh’n u tassew nagħtu kas,

B’widnejna miftuħa, m’aħniex qatt bi ngħas.

Nimxu fit-​triq tal-​verità,

Triq taʼ qdusija w umiltà.

Bil-​fidi lkoll naraw Li paċi se jkun haw’,

Għax Kristu re taʼ fedeltà.

Ma nissograwx nilwu lejn triq bla unur,

Imma fi triq Alla avvanz nagħmlu żgur.

3. It-​triq taʼ Jehovah irridu flimkien

Nuruha kemm nistgħu lin-​nies kullimkien.

In-​nies li jisimgħu jiġu bħall-​ħamiem

Lejn Alla, il-​Blata, jistkennu fis-​sliem.

Jekk nimxu f’ta’ Jehovah t-​triq,

Jeħlisna mix-​Xitan qarrieq.

F’toroq taʼ ferħ kotran U f’modi taʼ serħan

Jagħtina l-​ħajja l-​Kbir Ħallieq.

B’irjusna merfugħa nsegwu lis-​Sultan,

B’għajnejn fuq is-​Saltna, il-​post taʼ serħan.