Noffru n-​New World Translation

¹ “Taʼ min jakkwistaha n-​New World [Translation]. Hija vivaċi u tirrappreżenta l-​ħajja reali, u ġġiegħel lill-​qarrej jaħseb u jistudja. M’hijiex il-​prodott taʼ Kritiċi Iktar Għoljin, imma taʼ studjużi li jonoraw lil Alla u lill-​Kelma Tiegħu.” Hekk stqarr kummentatur magħruf taʼ l-​Ebrajk u l-​Grieg. Aħna naqblu miegħu. Kif nistgħu ngħinu lil ħaddieħor ikollu l-​istess apprezzament għan-​New World Translation meta noffruha flimkien mal-​ktieb Għarfien f’Diċembru?

² Xi nies għandhom mnejn iwieġbu, “Diġà għandi Bibbja. M’għandix bżonn oħra.” L-​isfida tagħna hi li ngħinuhom jaraw kif in-​New World Translation m’hijiex sempliċement Bibbja kwalunkwe. Hija traduzzjoni litterali bil-​lingwa taʼ żmienna li tilħaq b’eżattezza s-​sens tat-​test oriġinali. Aspett wieħed tas-​superjorità tagħha jistaʼ jintwera billi tqabbel il-​mod kif jingħataw xi kelmiet bħalma huma “shambles” li tfisser “biċċerija” (King James Ver­sion) maʼ “meat market” li tfisser “suq tal-​laħam” (New World Translation) fl-​1 Korintin 10:25.

³ Madankollu, ftit nies jaqraw il-​Bibbja, wisq inqas jifhmu l-​prinċipji tagħha għall-​ħajja taʼ kuljum. Għandhom bżonn ikunu jafu li l-​Kelma t’Alla tistaʼ tinfluwenza lil ħajjithom għall-​ġid tagħhom u li jekk isegwu l-​pariri tagħha dwar l-​onestà, il-​moralità, u l-​ħajja tal-​familja jistgħu jiġu megħjunin ikampaw mal-​problemi tal-​ġurnata tal-​lum. Dan kif jistaʼ jitwettaq?

⁴ Preżentazzjoni Ssuġġerita: “Taqbel miegħi li fil-​ħajja tagħna, minħabba li l-​valuri morali taʼ żmienna tant qed jinbidlu bil-​ħeffa u minħabba l-​inċertezza li teżisti dwar il-​ġejjieni tagħna, għandna bżonn gwida taʼ min joqgħod fuqha? [Agħti ċans għat-​tweġiba.] Għalkemm hija l-​iktar ktieb antik, il-​Bibbja tagħti pariri prattiċi għall-​għajxien modern u għal ħajja tal-​familja hienja.” Imbagħad sib kapitlu 2 fil-​ktieb Għarfien, u aqra paragrafu 10 u l-​ewwel sentenza taʼ paragrafu 11, inkluż it-​2 Timotju 3:​16, 17. Jekk jintwera interess, ħalli l-​ktieb Għarfien, spjega dwar il-​programm tagħna taʼ studju tal-​Bibbja fid-​dar b’xejn, u offri n-​New World Translation. Jekk tħoss li jkun aħjar li tibda l-​istudju bil-​browxer X’Jirrikjedi, tistaʼ tagħmel hekk. Se ssib iżjed introduzzjonijiet addattati f’paġni 2-7 fil-​fuljett Kif Nibdew u Nkomplu Diskussjonijiet Fuq Il-​Bibbja.

⁵ Ħalli nirriflettu l-​apprezzament tagħna għan-​New World Translation li hi tassew taʼ l-​għaġeb. Dan nistgħu nagħmluh billi noffruha biż-​żelu f’Diċembru.