Għanja 105

Viva l-​Ewwel Imwieled taʼ Jehovah!

(Ebrej 1:6)

1. Lil Bin Jehovah nilqgħu

Werriet taʼ Alla sar

Illi mill-​bidu dejjem

Jobdi ’l Missieru mar.

Kulma jeżisti għamel

Fuq l-​art u fis-​smewwiet;

Bħala l-​Kelliemi t’Alla

Xandar Jehovah x’ried.

2. Għalkemm kien f’sura t’Alla,

Hu qatt ma pprova jkun

Rivali taʼ Missieru

Jew daqs Jehovah jkun.

Imma b’umiltà niżel

Taʼ bniedem sura ħa

Biex jaqbeż għal Jehovah

U juri l-​verità.

3. Għal dan Kristu ġie mgħolli

U Alla tah it-​tron

Biex taʼ Jehovah l-​isem

Iqaddes bl-​isbaħ don.

Hu sejjer f’Armageddon

Jaqbeż għalina żgur,

Lill-​egħdewwa jeqridhom

Biex ’l Alla jġib unur.

4. Lil Bin Jehovah viva!

Ngħidu li hu s-​Sultan.

Minn dar għal dar inxandru

U nwettqu t’Alla l-​għan.

Bi tħassib persunali

Nuru x’irid isir

U nqanqlu wkoll lil ħutna

Jagħtu ’l Iben tifħir.