Għanja 110
Aħfer
1. F’imħabbtu Alla Jehovah
Lest li jaħfer id-dnubiet.
Bagħ’t lil Ibnu biex jifdina,
B’hekk jestendi l-għajnuniet.
Meta nindmu veru aħna,
Maħfra minnu nistennew
Fuq il-bażi tar-rah’n t’Ibnu,
F’ismu jaħfrilna tassew.
2. Imma Alla biss jaħfrilna
Jekk bħalu naħfru l-istess;
Jekk imħabba nuru aħna,
Nuru fl-oħrajn interess.
O ladarba imperfetti,
Ilkoll aħna nonqsu spiss
Kemm bil-kliem u b’xi azzjoni;
B’hekk il-maħfra lilna tmiss.
3. Żgur li jiem twal taʼ miżerja
Billi naħfru nevitaw;
B’hekk fl-imħabba u l-qalb tajba
Nkunu ’l Alla nimitaw.
Billi naħfru bla riżerva
Mill-qalb lil dawk midjunin,
Nuru li aħna maturi
U b’hekk nibqgħu ferħanin.
4. Maħfra vera virtù hija
Li rridu nikkultivaw.
Din tneħħielna is-suppervja
U l-mibgħeda nevitaw.
Meta veru naħfru dejjem,
Niġu nixbhu ’l Alla l-kbir,
Li hu dejjem lest li jaħfer;
U ntuh għalhekk kull tifħir.