-
Mistoqsija 13: Il-Bibbja x’tgħid dwar ix-xogħol?Introduzzjoni għall-Kelma t’Alla
-
-
MISTOQSIJA 13
Il-Bibbja x’tgħid dwar ix-xogħol?
“Rajt lil xi ħadd tas-sengħa f’xogħlu? Quddiem is-slaten se joqgħod; ma joqgħodx quddiem nies komuni.”
“Min kien jisraq ħa ma jisraqx iktar, imma minflok ħa jaħdem iebes u jagħmel b’idejh xogħol tajjeb, biex ikollu xi ħaġa x’jagħti lil min hu fil-bżonn.”
“Kull bniedem għandu jiekol u jixrob u jgawdi affarijiet tajbin għax-xogħol iebes kollu tiegħu. Din hi l-għotja t’Alla.”
-
-
Mistoqsija 14: Kif tistaʼ tieħu ħsieb l-affarijiet materjali tiegħek?Introduzzjoni għall-Kelma t’Alla
-
-
MISTOQSIJA 14
Kif tistaʼ tieħu ħsieb l-affarijiet materjali tiegħek?
“Min iħobb id-divertiment jaqaʼ fl-għaks; min iħobb l-inbid u ż-żejt ma jiksibx rikkezzi.”
“Min jissellef hu l-qaddej taʼ min isellfu.”
“Min minnkom li jrid jibni torri ma joqgħodx l-ewwel bil-qiegħda u jikkalkula l-ispejjeż, biex jara jekk għandux biżżejjed biex ilestih? Inkella għandu mnejn iqiegħed il-pedament imma ma jkunx jistaʼ jlestih, u dawk kollha li jarawh jibdew iwaqqgħuh għaċ-ċajt u jgħidu, ‘Dan ir-raġel beda jibni imma ma kienx kapaċi jlesti.’”
“Meta xebgħu, qal lid-dixxipli tiegħu: ‘Iġbru l-bċejjeċ li fadal biex ma jinħela xejn.’”
-
-
Mistoqsija 15: Kif tistaʼ ssib il-ferħ?Introduzzjoni għall-Kelma t’Alla
-
-
MISTOQSIJA 15
Kif tistaʼ ssib il-ferħ?
“Aħjar platt ħaxix fejn hemm l-imħabba milli barri msemmen bil-mibegħda miegħu.”
“Jien, Ġeħova, jien Alla tiegħek, li ngħallmek għall-ġid tiegħek, li mmexxik fit-triq li għandek timxi.”
“Henjin dawk li huma konxji tal-bżonn spiritwali tagħhom, għax tagħhom hi s-saltna tas-smewwiet.”
“Ħobb lill-proxxmu tiegħek bħalek innifsek.”
“Bħalma tridu li l-bnedmin jagħmlulkom, agħmlu l-istess lilhom.”
“Henjin dawk li jisimgħu l-kelma t’Alla u jħarsuha!”
“Meta wieħed ikollu bl-abbundanza, ħajtu ma tiddependix minn dak li għandu.”
“Għalhekk, la għandna x’nieklu u biex nitgħattew, għandna nkunu kuntenti b’dawn l-affarijiet.”
“Hemm iktar hena meta tagħti milli meta tirċievi.”
-
-
Mistoqsija 16: Kif tistaʼ tkampa mal-ansjetà?Introduzzjoni għall-Kelma t’Alla
-
-
MISTOQSIJA 16
Kif tistaʼ tkampa mal-ansjetà?
“Ixħet toqlok fuq Ġeħova, u jsostnik. Hu qatt ma jħalli lill-ġust jogħtor.”
“Il-pjanijiet tal-ħabrieki żgur li jkunu taʼ vantaġġ għalih, imma kulmin jgħaġġel żgur li jiġi fil-bżonn.”
“Tibżax, għax jien miegħek. Tiċċassax ’l hemm u ’l hawn, għax jien Alla tiegħek. Jien inqawwik. Jien ngħinek verament. Jien inżommok sod tassew b’idi l-leminija tas-sewwa.”
“Min minnkom billi jkun ansjuż jistaʼ jtawwal għomru mqar bi ftit?”
“Għalhekk, qatt tkunu ansjużi dwar l-għada, għax l-għada se jkollu l-ansjetajiet tiegħu. Hu biżżejjed għal kull ġurnata l-ħażen tagħha.”
‘Aċċertaw ruħkom minn dak li hu iktar importanti.’
“Tkunu ansjużi fuq xejn, imma f’kollox b’talb u b’suppliki flimkien maʼ radd il-ħajr ħallu lil Alla jkun jaf x’teħtieġu; u l-paċi t’Alla li tisboq kull ħsieb tgħasses lil qalbkom u l-qawwa mentali tagħkom permezz taʼ Kristu Ġesù.”
-
-
Mistoqsija 17: Il-Bibbja kif tistaʼ tgħin lill-familja tiegħek?Introduzzjoni għall-Kelma t’Alla
-
-
MISTOQSIJA 17
Il-Bibbja kif tistaʼ tgħin lill-familja tiegħek?
IRĠIEL MIŻŻEWĠIN/MISSIRIJIET
“L-irġiel b’dan il-mod għandhom iħobbu lin-nisa tagħhom, bħal ġisimhom stess. Min iħobb lil martu jħobb lilu nnifsu, għax ebda bniedem qatt ma bagħad lil ġismu stess; imma jitimgħu u jgħożżu . . . Kull wieħed minnkom għandu jħobb lil martu bħalu nnifsu.”
“Missirijiet, iddejqux lil uliedkom, imma ibqgħu rabbuhom fid-dixxiplina u l-gwida mentali taʼ Ġeħova.”
NISA MIŻŻEWĠIN
“Il-mara għandu jkollha rispett profond lejn żewġha.”
“Intom nisa miżżewġin, kunu sottomessi lejn żwieġkom bħalma jixraq fil-Mulej.”
TFAL
“Tfal, obdu lill-ġenituri tagħkom f’unjoni mal-Mulej, għax dan hu sewwa: ‘Onora lil missierek u lil ommok’; li hu l-ewwel kmand b’wegħda: ‘Biex jaħbatlek tajjeb u ddum żmien twil fuq l-art.’”
“Intom tfal, obdu lill-ġenituri tagħkom f’kollox, għax dan jogħġob lill-Mulej.”
-