Itlob lil Ġeħova Kuljum

1. Dur lejn Ġeħova, hu jismaʼ it-talb.

Dwar ismu nixhdu b’unur u mill-qalb.

Aqsam kull ħsieb miegħu bħala ħabib.

Lilu int afda w lejh ersaq ferm qrib

B’talb lil Ġeħova kuljum.

2. Ħajr lil Ġeħova għax aħna ħajjin.

Maħfra nitolbu għax naħfru ’l xulxin.

Jaf li lkoll trab; ngħixu grazzi għalih.

L Alla afdah, kull dnub stqarr int bis-sħiħ

F’talb lil Ġeħova kuljum.

3. B’talb lejn Ġeħova dur xħin għawġ issib.

Tagħna l-Missier żgur ikun dejjem qrib.

Kenn u għajnuna fih fittex ħerqan;

Dejjem afdah bla ma tkun qatt beżgħan

F’talb lil Ġeħova kuljum.