Ktieb antik għall-ħajja tal-lum
Ħafna nies jgħidu li l-Bibbja hija ktieb qaddis. Imma l-Bibbja hi iktar minn ktieb qaddis li jgħidilna kif nagħtu qima lil Alla. Fiha nsibu pariri prattiċi li jgħinuna fil-ħajja taʼ kuljum.
Pereżempju, ikkunsidra dak li jgħidu xi nies dwar kif huma stess jibbenefikaw meta jaqraw il-Bibbja u japplikaw il-pariri tagħha fil-ħajja tagħhom.
“Il-ħajja tiegħi issa ħafna aħjar, anka f’dik li hi saħħa mentali u emozzjonali. Inħossni iktar ferħana.”—Fiona.
“Peress li nistudja l-Bibbja, issa għandi skop veru fil-ħajja tiegħi.”—Gnitko.
“Ħajti saret ħafna aħjar. Issa naħdem inqas u għandi iktar ħin biex inkun mal-familja tiegħi.”—Andrew.
Hemm ħafna iktar esperjenzi bħal dawn. Ħafna nies minn madwar id-dinja sabu li l-Bibbja fiha gwida prattika għall-ħajja taʼ kuljum.
Ejja nikkunsidraw kif il-Bibbja tistaʼ tgħin lin-nies itejbu . . .
Is-saħħa fiżika
Is-saħħa emozzjonali
Il-ħajja tal-familja u l-ħbiberiji
L-istabbilità finanzjarja
L-ispiritwalità
L-artikli li ġejjin se juru li l-Bibbja hi ktieb mingħand Alla li jistaʼ jgħinek b’modi prattiċi fil-ħajja tiegħek taʼ kuljum.