ULWIMBO 71
Swe Vita vya kwe Yehova!
Iyakupulinta
(Waefeso 6:11-14)
1. Swe vita vya cisinka,
Vya kwe Yehova.
Nanti Satana lwisye,
Tukatwalilila.
Tusileku kuwizya
Tukaya konsi;
Swinya tusitina
Nanti cimwinye.
(KORASI)
Swe vita vya cisinka;
Vya kwe Yehova,
Tukawizya ukuti,
“Leza kuteka.”
2. Swe wantu wa kwe Leza,
Wo wakawizya,
Tukaya mu kuvwamba,
Ing’onzi insowe.
Nga twazana ing’onzi,
Tukazilisya;
Swinya tukazita
Mukulongana.
(KORASI)
Swe vita vya cisinka;
Vya kwe Yehova,
Tukawizya ukuti,
“Leza kuteka.”
3. Swe vita vya kwe Leza,
Tukakwivwila,
Klistu vyo kutunena,
Impindi yonsinye.
Tukacenjela sana,
Po tukuwizya.
Nga twawa ni ntazi,
Tusinenuka.
(KORASI)
Swe vita vya cisinka;
Vya kwe Yehova,
Tukawizya ukuti,
“Leza kuteka.”
(Lolani na Flpi. 1:7; Flmo. 2.)