VINO AWINA KLISTU WAZIPIZILE UKUWA
Ukuwazya Baibolo Cilawanda nu Kuvwamba Amano
Amano ya kwe Yehova yacindama nkaninye yawa ngati acuma icivwame. (Imilu. 2:1-6) Amano yakatwavwa ukuwa swewacenjele nu kupingula icete pavintu. Yakatwavwa nu kutucinjilila. Acino fwandi, ukuwa na mano “achintu chikulu ukulusye chino ungachita.” (Imilu. 4:5-7) Tuzipizile ukuwombesya nkaninye pakuti tuvwambe icuma icivwame cino cawa mu Baibolo. Tungacita wo-o ukupitila mukuwazya Baibolo cilawanda “umusanya nu wusiku.” (Josh. 1:8) Lolani inzila zino zingatwavwa ukuwawazya Baibolo lyonsinye nu kuwayipacisya pano tukuwazya.
TAMBANI E VIDYO YAKUTI CINO CALENZILE AWACITICI UKUTEMWA IZWI LYA KWE LEZA, NU KWASUKA AMAWUZYO YANO YAKONKAPO:
Ukulingana ne vidyo, antazi ci zino awacitici wacimvizye, swinya avyani vino vyawavwizye ukutwalilila ukuwazya Baibolo cila wanda?
Melanie
Samuel
Celine
Raphaello
VINO NATANTIKA UKUWAZYA BAIBOLO: