Utuvyewo Utulundwepo

a Uzye mukatela amwivwapo wino wawombela e Yehova pa myaka imivule akulanda ukuti, ‘Ntenecelelanga ukuti insi ya kwe Satana ingazimba ukufika ni lelo’? Swensinye tukalonda ukuti e Yehova ayonone yo-o insi imbipe maka maka pe yo-o impindi pano iviwipe vikucitika sana. Lelo tuzipizile ukuwa awatekanye. Mwe co-o icipande twandi tulole ivisinka vya mu Baibolo vino vingatwavwa ukulindilila pe Yehova. Twalanda na pa vintu viwili vino tuzipizile ukulindilila sana pe Yehova. Mukulecelezya twalanda na pa vizima vino alicitila wano wakalandilila pe weliwe.