ISAMBILILO 52
Umulandu Wuno Tuzipizile Ukuwicila Amano kwe Vino Tukazwala nu Kuloleka
Cila muntu wawa ni vizwalo vino wakunda na vino akalonda awaloleka. Nga tukukonka ivisinka vya masundo ya mu Baibolo, tutange twasola vye ukuzwala vino twakunda, lelo tungasecelesya ne Yehova. Katulandeko pa visinka vya masundo vimwi.
1. Acani cino cikatwavwa ukusolapo vino twandi tuzwale na vino twandi tuloleke?
Tuzipizile twazwala“ichete,” swinya lyonsinye twaloleka awawusaka pa kuti wanji walola ukuti swe “wapefi.” (1 Timoti 2:9, 10) Lola vyo-o ivisinka 4: (1) Imizwalile yitu yizipizile ukuwa “ichete.” Ndi wiza mukulongana pamwi nawenye walola ukuti awantu wakwe Yehova wasizwala ivili vyonga. Lelo vino tukazwala nukusakula inyele, vikacindika Yehova. (2) Imizwalile yitu yizipizile ukuwa aya mucinzi, akuli ukuti, yitazipizile ukulenga wanji ukutalika ukwelenganya pakucita uwuzelele nanti ukulenga wawike sana amano pe sweswe. (3) Tukalanjizya ukuti twawa ni “lango zima” nga cakuti tutakuzwala ivizwalo ivili vyonsinye vino vyafuma nanti pa mulandu wa kuti avino awavule watalisile ukuzwala. (4) Vino tukuloleka vizipizile vyalanjizya ukuti swe “wapefi,” pakuti wonsinye wano wakulola wamanya zuwa ukuti tukapepa e Leza wa cisinka.—1 Wakorinte 10:31.
2. Amulandu ci wuno tuzipizile ukwelenganizizya pa wanawitu na wankazi pano tukusolapo ivya kuzwala?
Kweni molimonye ukuti tungasola ukuzwala icili consinye cino tukulonda. Lelo cacindama nkaninye ukwelenganya nga cakuti vino tukulonda ukuzwala vingaleta intazi kwe wanji. Tukakwelezya na maka pa kuti tutapunuzya wanji, lelo cila muntu azipizile “awasechelesya umuwuye kwe chino achizima, icha kumusimpisya.”—Wazya Waroma 15:1, 2.
3. Uzye imizwalile yitu yingalenga wuli wanji ukuvwambisya ukusambilila pe Yehova?
Lyonsinye tukawika sana amano kwe vino tukazwala maka maka pano tukuya mu kulongana na pano tukuwizya. Tusilonda awantu wapotwa ukuwika amano kwi lyasi lizima nu kutalika ukuwika amano kwe vino tukuloleka. Tukalonda vino tukuloleka vyalenga awantu wavwambisya ukusambilila pe Leza wino tukawombela “alyakuti wangacindika isambilizyo lyakwe Leza e Katula witu.”—Taitasi 2:10.
SAMBILILA IVICILE PA-A
Lola vino tungasinincizya ukuti imizwalile yitu na vino tukuloleka vikulanjizya ukuti swe wina Klistu.
Vino tukuloleka vingalanjizya nga twacindika awalasi nanti awe. Nanti aca kuti e Yehova akalola mu myezo, vino tukuloleka navyonye vizipizile ukulanjizya ukuti twamucindika
4. Nga tukuloleka icete, tukalanjizya ukuti twacindika Yehova
Amulandu ci uwucindame wuno tuzipizile ukuwicila amano kwe vino tukaloleka? Wazyani Ukuwumbulika 4:11, nu kulanzyanya ya-a amawuzyo:
Avyani vino tuliwapingulapo pa mizwalile yitu nga tukwizuka ukuti vikakuma e Yehova na wantu wanji?
Ukwelenganya ukuti cawa icetenye ukuwikako amano kwe vino tukuloleka pano tukuya mu kulongana na pano tukuwizya? Amulandu ci wuno wasucila wowo?
5. Avyani vino vingatwavwa ukusolapo vino twandi tuzwale na vino twandi tuloleke?
Vino tuzwite vizipizile ukuloleka ivya wusaka asa mulandu nu mutengo wuno twakalizilepo swinya vizipizile ukuyana na cino tukucita. Wazyani 1 Wakorinte 10:24 ne 1 Timoti 2:9, 10. Apano mulanzyanye umulandu wuno tutazipizile ukuzwalila . . .
ivyawusanku nanti vino visakuloleka icete.
iviwalale nanti vino vingalenga wanji wakwelenganya pa kucita uwuzelele pa mulandu wakuti vitulemile nkani ku muwili.
Awina Klistu wasikonka amasundo ya kwe Musa, lelo wangasambililako cimwi pe vino Yehova akakwelenganya pa vintu. Wazyani Amasundo 22:5, nu kulanzyanya lyo-o iwuzyo:
Amulandu ci wuno tutazipizile twazwalila ivizwalo vino vikalenga umonsi awaloleka ngati amwanaci nanti umwanaci awaloleka ngati amonsi?
Wazyani 1 Wakorinte 10:32, 33 ne 1 Yohani 2:15, 16, nu kulanzyanya ya-a amawuzyo:
Amulandu ci wuno tuzipizile ukuwicilako amano kwe vino tukaloleka pakuti vitati vyapunuzya awa mwi wungwe nanti wano wawela kuno twikalila?
Uzye kuno mwikalila awantu wakazwala nu kuloleka wuli?
Uzye ungati imizwalile yimwi yino wakazwalila mwenemo yitanga yiyane ku mwina Klistu? Amulandu ci wuno wasucila wowo?
Tungasecelesya Yehova mwe vino tukazwala nukuloleka nanti aca kuti tusizwala icili conga
WAMWI WAKATI: “Nawa ni nsambu izya kuzwala icili consinye cino nkulonda.”
Uzye nawewenye ukuzumilizyako? Amulandu ci wuno wasucila wowo?
IVISINKA VIKULU
Nga tukusola icete ivya kuzwala ni milolecele, tukalanjizya ukuti twacindika Yehova na wantu wanji.
Avyani Vino Wasambilila?
Amulandu ci wuno e Yehova akawicila amano kwe vino tukazwala nukuloleka?
Avisinka ci vimwi ivya masundo ya mu Baibolo vino vingatwavwa ukupingulapo icete pe vino tufwile ukuloleka?
Uzye vino tukaloleka vingalenga wanji walola wuli ukupepa kwa cisinka?
MANYILAPO NA VINJI
Lola vino wanji wangakwelenganya pe wewe nga walola vino uzwite.
“Uzye Vino Nkazwala Vikaloleka Wuli?” (Icipande ca pa webusayiti)
Lola umulandu wuno mwawela amano mukwelenganya pano utani uyidinde vimwi pa muwili.
“Avyani Vino Baibolo Yalandapo pa vya Kuyidinda pa Muwili?” (Icipande ca pa webusayiti)
Lola amasundo ya mu Baibolo na yanji yano yangatwavwa pano tukupingulapo.
“Uzye Imizwalile Yako Yikacindika Yehova?” (Ulupungu lwa kwa Kalinda, September 2016)
Uzye umwanaci wumwi wino walondanga ukusecelesya Yehova, wasambilizile wuli ukutalika ukucindika vino wanji wakasolapo ukuzwala?
“Vino Wanji Wazwalanga nu Kuloleka Avino Vyampunuzyanga” (Loleni!, December 22, 2003)