15-21 tí febrero

NEHEMÍAS 9-11

“Na̱ ndinuʼu-ini ndásakáʼnu Ndióxi̱ kéʼéna ña̱ káʼa̱n na̱ ñuura” (10 min.):
- Ne 10:28-30. Ki̱ndoona ña̱ va̱ása tindaʼa̱na xíʼin na̱ inka ñuu (w98-S 15/10 pág. 21 párr. 11).
- Ne 10:32-39. Ku̱a̱ʼá nu̱ú ña̱ ni̱ka̱ʼa̱nna keʼéna ña̱ ndasakáʼnuna Jehová (w98-S 15/10 pág. 21 párr. 11, 12).
- Ne 11:1, 2. Xíʼin ndiʼi níma̱na ke̱ʼéna chiñu nu̱ú Jehová (w06-S 1/2 pág. 11 párr. 6; w98-S 15/10 pág. 22 párr. 13).
Ná ndakanixi̱níyó xa̱ʼa ña̱ kivi chindeé miíyó (8 min.):
- Ne 9:19-21. ¿Nda̱saa náʼa̱ Jehová ña̱ xíni̱ra kundaara na̱ ñuura? (w13-S 15/9 pág. 9 párr. 9, 10).
- Ne 9:6-38. ¿Ndáaña sákuaʼayó xa̱ʼa oración ña̱ ke̱ʼé na̱ levita? (w13-S 15/10 pág. 22, 23 párr. 6, 7).
- ¿Ndáaña sa̱kuaʼi̱ nu̱ú Biblia xa̱ʼa Jehová semana yóʼo?
- ¿Ndáaña sa̱kuaʼi̱ nu̱ú Biblia semana yóʼo kivi kuniñúʼi̱ servicio?
Ña̱ kaʼviyó nu̱ú Biblia: Ne 11:15-36 (4 min. á loʼoka)

Ña̱ ka̱ʼún yichi̱ nu̱ú (2 min. á loʼoka): Taxi ña̱ revista ¡Despertad! ndaʼa̱na ta ka̱ʼa̱n xa̱ʼa ña̱ artículo “Ayuda para las familias: Cómo hacer buenos amigos” ta kindo̱o xíʼinna ña̱ ndikóún nu̱úna.
Revisita (4 min. á loʼoka): Na̱ʼa̱ ndáa ki̱ʼva ndikóyó nu̱ú na̱ ku̱tóo ña̱ artículo “Ayuda para las familias: Cómo hacer buenos amigos” ña̱ va̱xi nu̱ú ¡Despertad! Kindo̱o xíʼinna ña̱ ndikóún inka yichi̱ nu̱úna.
Tá xa̱kaʼviún xíʼinna (6 min. á loʼoka): Na̱ʼa̱ ndáa ki̱ʼva káʼviyó xíʼin iin na̱ yiví (bh-S pág. 32, 33 párr. 13, 14).

Yaa 19
“No hay vida mejor” (15 min.): Ka̱ʼa̱n ta ná ka̱ʼa̱n loʼona. Ta chika̱a̱ video yóʼo. Tándi̱ʼi keʼé pregunta xíʼinna. Keʼé iin entrevista xíʼin iin ta̱ publicador, ta̱ kúa̱an á ta̱ xa̱tindaʼa̱, nda̱saa xíniñúʼu viíra tiempora ña̱ ndásakáʼnura Jehová (1 Co 7:35). Ta ¿nda̱saa chíndeé Jehová miíra?
Estudio ña̱ congregación: my Historia 23 (30 min.)
Ka̱ʼa̱n xa̱ʼa ña̱ sa̱kuaʼayó reunión yóʼo xíʼin xa̱ʼa ña̱ koo inka semana (3 min.)
Yaa 133 xíʼin oración