ÑA̱ KÁʼA̱N BIBLIA XA̱ʼA̱ | GÉNESIS 3-5

Tu̱ndóʼo káʼnu ña̱ nda̱kiʼinyó xa̱ʼa̱ iin ña̱ vatá

U̱ni̱ na̱ʼná ña̱ inkáchi íyo: 1. Ta̱ Ndi̱va̱ʼa xi̱niñúʼura iin ko̱o̱ ña̱ sa̱ndáʼvira ñá Eva; 2. Ta̱ Adán xíʼin ñá Eva ku̱chéena ta kǒoka ndee̱na; 3. Iin grupo na̱ yiví na̱ xa̱a̱ síín síín tiempo ni̱xi̱yo, xíʼin costumbre ña̱ kúúmiína xíʼin ñuu nu̱ú ke̱ena, tiempo ni̱xi̱yo ta̱ Adán xíʼin ñá Eva ta nda̱a̱ tiempo ña̱ ndóoyó vitin

Ta̱ Ndi̱va̱ʼa kǒo ndákoora ña̱ sándaʼvira na̱ yiví nda̱a̱ táki̱ʼva ke̱ʼéra xíʼin ñá Eva (Ap 12:9). ¿Nda̱chun ndiʼi ña̱ vatá ña̱ káʼa̱n ta̱ Ndi̱va̱ʼa ña̱ va̱xi yóʼo va̱ása táxiña kuyatin na̱ yiví nu̱ú Jehová?

Kǒo nda̱a̱ ni iin Ndióxi̱ ta̱ kúúmií ndiʼi ndee̱.
Ndióxi̱ kúúra iin trinidad.
Kǒo ki̱vi̱ Ndióxi̱.
Ndióxi̱ sáxo̱ʼvi̱ra na̱ yiví ndiʼi tiempo nu̱ú ndayá.
Ku̱a̱chi Ndióxi̱ kúú ndiʼi tu̱ndóʼo ña̱ íyo.
Va̱ása ndíʼi-ini Ndióxi̱ xa̱ʼa̱ na̱ yiví.

¿Ndáaña ndóʼún tá xíniso̱ʼún ndiʼi ña̱ vatá yóʼo xa̱ʼa̱ Ndióxi̱?

¿Ndáaña xíniñúʼu keʼún ña̱ va̱ʼa nduyéʼe ki̱vi̱ Ndióxi̱?