Ndáa ki̱ʼva kivi kandíxakayó Jehová ña̱ sakákura miíyó

Kaʼvi Números 13:25–14:4 ña̱ va̱ʼa kunda̱a̱-iniún ndáa ki̱ʼva ni̱na̱ʼa̱ na̱ israelita ña̱ va̱ása níxindaa-inina Jehová.

Ná nandukúkayó ña̱ káʼa̱n xa̱ʼa̱ ña̱yóʼo. ¿Ndáaña ni̱na̱ʼa̱ nu̱ú na̱ israelita ña̱ kiviva kandíxana ña̱ sakáku Jehová miína? (Sal. 78:12-16, 43-53). ¿Nda̱chun va̱ása níkandíxakana Jehová? (Deut. 1:26-28). ¿Ndáa ki̱ʼva ni̱na̱ʼa̱ ta̱ Josué xíʼin ta̱ Caleb ña̱ va̱ása inkáchi níxi̱ndakanixi̱nína nda̱a̱ táki̱ʼva xi̱ndakanixi̱ní na̱ israelita? (Núm. 14:6-9).

Nandukúka sava ña̱ káʼa̱n xa̱ʼa̱ ña̱yóʼo. ¿Ndáaña xi̱xiniñúʼu keʼé na̱ israelita ña̱ va̱ʼa kandíxakana Jehová? (Sal. 9:10; 22:4; 78:11). ¿Nda̱chun xíniñúʼu ixato̱ʼóyó Jehová ña̱ va̱ʼa kandíxayóra? (Núm. 14:11).

Ndakanixi̱ní xa̱ʼa̱ ña̱ sákuaʼún. Nda̱ka̱tu̱ʼun ña̱yóʼo miíún:

• “¿Ama kúú ña̱ kivi ixayo̱ʼvi̱ña xíʼi̱n ña̱ kundaa-inii̱ Jehová?”.

• “¿Ndáaña kivika keʼíi̱ ña̱ va̱ʼa kundaaka-inii̱ Jehová vitin ta saátu chí nu̱únínu?”.

• “¿Ndáana kivi kandíxai̱ tá ná kixáʼa ña̱ gran tribulación?” (Luc. 21:25-28).