¿Ni̱saa kuvi ni̱ʼiyó ña̱ koo si̱í-iniyó xíʼin na̱ veʼeyó?

Ña̱ koo si̱í-iniyó xíʼin na̱ veʼeyó xíniñúʼu ku̱ʼvi̱-iniyó kunitáʼanyó (Efesios 5:33)

Tu̱ʼun Ndióxi̱ káʼa̱n ña, na̱ kúni̱ tanda̱ʼá, xíniñúʼu iin ta̱a tanda̱ʼára xíʼin iin ñaʼá.

Iin ta̱a ra̱ kúʼvi̱-ini xíni ñá síʼira, va̱ʼaní káʼa̱nra xíʼin ñá ta ndíʼi̱-inira xa̱ʼá ñá.

Ñá ñaʼá xíniñúʼu chindiétáʼañá xíʼin yiíñá.

Na̱ ku̱a̱chí xíniñúʼu kuniso̱ʼona ña̱ káʼa̱n yivásiʼína.

Va̱ʼa koo iniún xíʼin na̱ veʼún ta va̱ása sandaʼviún ñá síʼún á yiíún (Colosenses 3:5, 8-10)

Tu̱ʼun Ndióxi̱ káʼa̱n xíʼin ra̱ ta̱a ña̱ ná ku̱ʼvi̱-inira kunira ñá síʼira ndi̱a̱ tá kúʼvi̱-inira xínira miíra, ta ñá ñaʼá xíniñúʼu asatǒʼoníñá yiíñá.

Na̱ tǎʼán tanda̱ʼá va̱ása va̱ʼa ku̱su̱na xíʼin táʼan na. Va̱ása va̱ʼa koo ku̱a̱ʼá ñá síʼi iin ta̱a á ku̱a̱ʼá yií iin ñaʼá.

Tu̱ʼun Jehová sánáʼa̱ña ndíá ña̱ xíniñúʼu keʼéyó ta va̱ʼa koo si̱í-iniyó xíʼin na̱ veʼeyó.