Sandákoondó ndiʼi ña̱ xi̱keʼéndó ta keʼéndó ña̱ va̱ʼa

3:5-14

¿Á ku̱a̱ʼání ña̱ʼa sa̱ndákoún tá sa̱kuaʼún xa̱ʼa̱ ña̱ nda̱a̱? Kǒo kaka-iniún chi Jehová ni̱kusi̱íní-inira tá xi̱nira ña̱ chi̱ka̱a̱níún ndee̱ ña̱ sa̱ndákoúnña (Eze 33:11). Soo xíniñúʼu chika̱a̱níyó ndee̱ ña̱ ndakundeéyó keʼéyó ña̱ va̱ʼa tasaá kǒo ndikóyó keʼéyó ña̱ xi̱keʼéyó tá ya̱chi̱. Ña̱ va̱ʼa kunda̱a̱-iniún á xíniñúʼu nasamaún sava ña̱ kéʼún, ndakuiin pregunta ña̱ va̱xi yóʼo:

• ¿Á sáa̱ka-ini xínii̱ na̱ ke̱ʼé iin ña̱ʼa xíʼi̱n á na̱ i̱xandi̱va̱ʼa xíʼi̱n?

• ¿Á kúee-inii̱ xíʼin inkana tá ndeéní ndíʼi̱-inii̱ á ni tá xa̱a̱ ku̱naáníi̱?

• ¿Á ndi̱ku̱n kama távái̱ ña̱ kini xi̱níi̱ tá va̱xiña xi̱níi̱?

• ¿Á kúndasíi̱ xínii̱ na̱ inka raza á na̱ inka país?

• Sa̱kán loʼo tiempo ña̱ xa̱a̱ ni̱ya̱ʼa, ¿á ni̱ka̱ʼa̱n ndi̱va̱ʼi̱ xíʼin iinna á kamaní ni̱sa̱íi̱ xíʼinna?