ÑA̱ KÉʼÉYÓ NA̱ TESTIGO

Tá kíndo̱ondó nda̱saa koo ña̱ tindaʼa̱ndó va̱ása keʼéndó nda̱a̱ táki̱ʼva kéʼé na̱ ñuyǐví

Na̱ cristiano na̱ xa̱a̱ kíndo̱o ña̱ tindaʼa̱na ku̱a̱ʼání ña̱ʼa ndaka̱xinna keʼéna. Sana na̱ tindaʼa̱ yóʼo kúni̱na tindaʼa̱na nda̱a̱ táki̱ʼva tíndaʼa̱ na̱ yiví ñuu nu̱ú ndóona. Saátu sana na̱ veʼena kukuni̱na ka̱ʼa̱nna xíʼinna ndáa ki̱ʼva koo ña̱ tindaʼa̱na. ¿Ndáa texto ña̱ va̱xi nu̱ú tu̱ʼun Ndióxi̱ kúú ña̱ chindeétáʼan xíʼinna ña̱ vií ndaka̱xinna ndáa ki̱ʼva tindaʼa̱na tasaá va̱ʼa sakúsi̱ína-ini Ndióxi̱?

TÁNDI̱ʼI XI̱TONDÓ VIDEO BODA ÑA̱ NDÁSAKÁʼNU KI̱VI̱ JEHOVÁ, NDAKUIINNDÓ ÑA̱ PREGUNTA YÓʼO:

¿Ndáa ki̱ʼva chi̱ndeétáʼan texto ña̱ va̱xi chí ni̱nu̱ yóʼo xíʼin ta̱ Nick xíʼin ñá Juliana?
¿Nda̱chun xíniñúʼu ndaka̱xin na̱ tindaʼa̱ yóʼo iin ta̱ hermano ta̱ xa̱a̱ xu̱xa-ini ña̱ va̱ʼa kiʼinra kuenta xíʼin ña̱ Boda yóʼo? (Jn 2:9, 10).
¿Ndáaña nda̱ka̱xin ta̱ Nick xíʼin ñá Juliana keʼéna, ta nda̱chun?
¿Ndáana xíniñúʼu ndaka̱xin ndáaña kuniñúʼu ti̱xin ña̱ Boda ta saátu ña̱ʼa ña̱ kuxuna? (w06-S 15/10 25 párr. 10).

Nu̱ú va̱xi na̱ʼná: Na̱ʼná iin video Boda ña̱ ndásakáʼnu ki̱vi̱ Jehová. Ta̱ Nick xíʼin ñá Juliana u̱vi̱ saána kúni̱na tindaʼa̱na ta íxanduvina ndáa ki̱ʼva keʼéna ña̱ va̱ʼa tindaʼa̱na. Na̱ʼná 1: Na̱ kúú novio iin tá iin na̱yóʼo káʼa̱nna xíʼin Ndióxi̱. Na̱ʼná 2: Iin tableta xíʼin sava tutu ña̱ káʼvina. Na̱ʼná 3: Na̱ novio káʼa̱nna xíʼin na̱ veʼena ndáa ki̱ʼva tindaʼa̱na. Na̱ʼná 4: Na̱ novio keʼéna invitación xíʼin na̱ veʼena xíʼin na̱ migona.