¿Ndáa ña̱ sákuaʼayó xíʼin yaa ña̱ táva na̱ ñuu Ndióxi̱?

¿Ndáa yaa ña̱ va̱xi nu̱ú ña̱ JW Broadcasting^® kúú ña̱ kútókaún? ¿Nda̱chun kútóúnña? ¿Á chíndeétáʼan video ña̱ kúúmií yaa xíʼún? Ku̱a̱ʼání kúú ña̱ yaa yóʼo va̱xi nu̱ú sitio ta xa̱a̱ síín tema kúúmií iin iinña, soo íyo sava ña̱ kútóoníkayó. Soo ña̱ yaa ña̱ kúúmií video va̱ʼaní chíndeétáʼanña xíʼinyó ta chíka̱a̱níña ndee̱ xíʼinyó.

Ku̱a̱ʼání ña̱ kivi chindeétáʼan ña̱ yaa yóʼo xíʼinyó ta saátu tá ku̱a̱ʼa̱nyó sánáʼa̱yó na̱ yiví. Sava ña̱ yaa yóʼo káʼa̱nña xa̱ʼa̱ ña̱ va̱ʼaní ná koo iniyó xíʼin inkana, inkaña káʼa̱nña va̱ʼaní ná kutáʼanyó xíʼin na̱ hermanoyó, inkaña káʼa̱n xa̱ʼa̱ na̱ migoyó, ña̱ ndakú ná koo iniyó, ña̱ kuʼvi̱-iniyó kunitáʼanyó xíʼin ña̱ kandíxaníyó Ndióxi̱, inkaña káʼa̱n xa̱ʼa̱ na̱ ki̱ta ti̱xin congregación, ña̱ ixakáʼnu iniyó xa̱ʼa̱ na̱ kéʼé ña̱ va̱ása va̱ʼa xíʼinyó, inkatuña káʼa̱n xa̱ʼa̱ ña̱ nda̱kúní ná koo iniyó xíʼin Ndióxi̱ ndiʼi saá ki̱vi̱ xíʼin ná ndukúyó ndáa ki̱ʼvaka kachíñuyó nu̱ú Ndióxi̱. Ta nda̱a̱ íyo iin yaa ña̱ káʼa̱n xa̱ʼa̱ ndáa ki̱ʼva kuniñúʼuyó celular ña̱ kúúmiíyó. ¿Ndáa ña̱ʼa kúú ña̱ xa̱a̱ sa̱kuaʼún ña̱ xíniso̱ʼún yaa yóʼo?

TÁNDI̱ʼI XI̱TONDÓ VIDEO ÑUYǏVÍ XA̱Á KU̱YATINNÍÑA, NDAKUIINNDÓ ÑA̱ PREGUNTA YÓʼO:

• ¿Ndáa ña̱ koo chí nu̱únínu kúú ña̱ ndákanixi̱ní na̱ hermano yóʼo xa̱ʼa̱? (Gé 12:3).

• ¿Ndáa ña̱ xíniñúʼu keʼéyó ña̱ va̱ʼaníka kandíxayó ña̱ keʼé Ndióxi̱ koo chí nu̱únínu?

• ¿Ndáa na̱ kúsi̱í-iniún ndakuniún ti̱xin ñuyǐví xa̱á?

• Ña̱ keʼé Ndióxi̱ chí nu̱únínu, ¿ndáa ki̱ʼva chíka̱a̱ ña̱yóʼo ndee̱ xíʼinyó, ña̱ ndakú koo iniyó tá yáʼayó nu̱ú prueba tiempo vitin? (Ro 8:25).