ÑA̱ KÉʼÉYÓ NA̱ TESTIGO
Sakuaʼaka ña̱ va̱ʼa sanáʼa̱kaún: Natúʼún xíʼin na̱ yiví na̱ kǒo kívi koto
¿NDA̱CHUN XÍNIÑÚʼU KEʼÉYÓÑA? Ku̱a̱ʼání na̱ yiví na̱ kǒo kívi koto, va̱ása va̱ʼa kúnina xíʼin na̱ yiví na̱ va̱ása xíni̱na. Xa̱ʼa̱ ña̱yóʼo va̱ʼaní ná kuxini̱yó ndáa ki̱ʼva natúʼunyó xíʼinna. Kúʼvi̱ní-ini Jehová xínira na̱ yiví na̱ kǒo kívi koto ta ndíʼi̱-inira xa̱ʼa̱na (Le 19:14). Ná keʼéyó nda̱a̱ táki̱ʼva kéʼé Jehová ña̱ kundi̱ʼi̱-iniyó xa̱ʼa̱na ta chindeétáʼanyó xíʼinna ña̱ xa̱a̱na sakúaʼana xa̱ʼa̱ra.
¿NDÁA KI̱ʼVA KEʼÉYÓÑA?
Kixáʼa nandukúnna (Mt 10:11). ¿Á xíni̱ún iin familia nu̱ú íyo iin na̱ kǒo kívi koto? Nu̱ú xíkaún nátúʼún xa̱ʼa̱ Ndióxi̱, ¿á íyo veʼe nu̱ú ndáana na̱ xa̱a̱ chée, escuela á inkaka lugar, nu̱ú kivi taxiyó tutu ña̱ kúúmiíyó ña̱ va̱ʼa chindeétáʼanña xíʼin na̱ kǒo kívi koto?
Na̱ʼa̱ ña̱ ndixa ndíʼi̱-iniún xa̱ʼa̱na. Tá ndixa ndíʼi̱-iniún xa̱ʼa̱na ta xíʼin ña̱ si̱í-iniún káʼún xíʼinna, tasaá kúú ña̱ kusi̱í-inina ka̱ʼa̱nna xíʼún. Ka̱ʼa̱n xíʼinna xa̱ʼa̱ iin tema ña̱ kútóona kunda̱a̱-inina xa̱ʼa̱.
Chindeétáʼan xíʼinna ña̱ sákuaʼana xa̱ʼa̱ Jehová. Ña̱ va̱ʼa chindeétáʼanyó xíʼin na̱ yiví na̱ kǒo kívi koto, na̱ ñuu Ndióxi̱ távana sava publicación ña̱ kivi chindeétáʼanña xíʼinna ña̱ va̱ʼa kunda̱a̱-inina xíʼinña. Ka̱ʼa̱n xíʼin na̱ yiví ndáa ki̱ʼva kúni̱na kaʼvina ña̱yóʼo. Ta̱ superintendente ña̱ servicio xíniñúʼu kiʼinníra kuenta xíʼin ta̱ hermano ta̱ ndísochíñu xíʼin ña̱ publicación ña̱ va̱ʼa ndukúra ndiʼi tutu ña̱ xíniñúʼu na̱ yiví na̱ kǒo kívi koto.