Koo precursor

Ña̱ chika̱a̱-iniyó keʼéyó ku̱a̱ʼáka chiñu nu̱ú Ndióxi̱ kúú ña̱ chindeétáʼan xíʼinyó ña̱ viíní kuniñúʼuyó tiempoyó xíʼin ndee̱yó, saáchi xa̱a̱ ku̱nu̱míní ndiʼi-xa̱ʼa̱ ñuyǐví ta̱ Ndi̱va̱ʼa yóʼo (1Co 9:26; Ef 5:15, 16). Tá káʼvindó xíʼin na̱ veʼendó kivi ka̱ʼa̱nndó xa̱ʼa̱ chiñu ña̱ kivi keʼékandó nu̱ú Ndióxi̱ ti̱xin ku̱i̱ya̱ xa̱á ña̱ servicio ña̱ va̱xi. Ka̱ʼa̱nndó xíʼin Jehová ná chindeétáʼanra xíʼinndó ndaka̱xinndó ndáa chiñu kivi keʼéndó nu̱úra. Tá kúú, nu̱ú Tutu nu̱ú Va̱xi ña̱ Keʼéyó Reunión kivi ndani̱ʼíndó sava artículo ña̱ káʼa̱n xa̱ʼa̱ sava chiñu ña̱ kivi keʼékandó nu̱ú Ndióxi̱ (Snt 1:5).

Tá kúú, kivi chindeétáʼanndó xíʼin iin na̱ veʼendó ña̱ xa̱a̱na koona precursor regular. Tá yíʼviún ña̱ va̱ása kuchiñún saxínún horaún, kivi ndaka̱tu̱ʼún iin na̱ precursor na̱ ndóʼo nda̱a̱ táki̱ʼva ndóʼún ña̱ ná ka̱ʼa̱nna xíʼún ndáaña kivi keʼún (Pr 15:22). Ta saátu kivi kanandó iin na̱ precursor tá káʼvindó xíʼin na̱ veʼendó ta kivi nda̱ka̱tu̱ʼunndóna ndáaña kéʼéna ña̱ va̱ʼa sáxi̱nuna horana. Ta nu̱ú iin tutu kivi kaʼyíndó nda̱saa hora kivi keendó natúʼunndó iin tá iin ki̱vi̱. Tá xa̱a̱ ni̱xi̱yoún precursor tá ya̱chi̱ ta sa̱ndákoúnña, kivi ndikó tukún koún precursor tá xítoún ña̱ kivi keʼúnña.

¿Á kivi xa̱a̱ iin na̱ veʼún koona precursor iin yo̱o̱ á ku̱a̱ʼáka yo̱o̱? Ta tá va̱ása íyoní ndee̱na ña̱ keena natúʼunna xa̱ʼa̱ Ndióxi̱ sana kivi keena ndiʼi ki̱vi̱ soo loʼova hora keena. Ta tá va̱ása kívi keena natúʼunna xa̱ʼa̱ Ndióxi̱ ma̱ʼñú semana saáchi na̱ káchíñu kúúna á na̱ káʼvi kúúna, sana kivi koona precursor yo̱o̱ ña̱ xíyo vikó chi saá kúú ña̱ va̱ása káʼvina á va̱ása káchíñuna. Á kivitu koona precursor yo̱o̱ ña̱ kúúmií u̱ʼu̱n sábado á u̱ʼu̱n domingo. Nu̱ú iin calendario kivi kaʼyíndó yo̱o̱ ña̱ kúni̱ndó koondó precursor, ta kivitu kaʼyíndó ndáa ki̱vi̱ keendó natúʼunndó xa̱ʼa̱ Ndióxi̱ (Pr 21:5).

TÁNDI̱ʼI XI̱TONDÓ VIDEO ÑA̱ NANÍ VA̱ÁSA YI̱ʼVÍNDÓ, NDÓʼÓ: NA̱ PRECURSOR, NDAKUIINNDÓ PREGUNTA YÓʼO:

• ¿Ndáa ki̱ʼva xi̱ndaa Jehová ñá hermana Aamand? ¿Ndáaña sákuaʼayó xíʼin ña̱ ndo̱ʼoñá?