Chika̱a̱ ndee̱ ña̱ ndiʼi tiempo keʼún ña̱ káʼa̱n Jehová

Ta̱ Saúl va̱ása níxiniso̱ʼora ña̱ ni̱ka̱ʼa̱n Jehová ta xa̱ʼa̱ ña̱kán va̱ása nítaxikara koora rey (1Cr 10:13, 14).

Jehová nda̱kaxinra ta̱ David ña̱ koora rey nu̱ú ta̱ Saúl (1Cr 11:3).

Ta̱ Saúl va̱ása níxiniso̱ʼora ña̱ ni̱ka̱ʼa̱n Jehová, soo ta̱ David va̱ʼaní xi̱ndiku̱nra ley Ndióxi̱ ta xi̱xiniso̱ʼora ña̱ xi̱ka̱ʼa̱nra xíʼinra (1Cr 11:15-19; w12-S 15/11 6 párrs. 12, 13).

Xi̱kusi̱íní-ini ta̱ David keʼéra ña̱ kútóo Jehová (Sl 40:8). Tá kúni̱yó kundiku̱nyó yichi̱ ta̱ David, ná chika̱a̱yó ndee̱ ña̱ keʼéyó ña̱ kútóo Jehová ta ná chika̱a̱yó ndee̱ ña̱ ndakanixi̱níyó nda̱a̱ táki̱ʼva ndákanixi̱ní Jehová (Sl 25:4; w18.06 17 párr. 5, 6).