Kokkinakis xíʼin na̱ Grecia: Droit réservé
Chí nu̱ú kíxáʼa na̱ʼná: Junta ña̱ Educación ña̱ Virginia Occidental xíʼin ñá Barnette; Ta̱ Kokkinakis xíʼin na̱ chíñu Grecia; Na̱ Entidad religiosa local ña̱ Taganrog xíʼin inkana xíʼin na̱ Rusia; Ta̱ Cha xíʼin inkakana xíʼin na̱ Corea del Sur.
ÑA̱ KÉʼÉYÓ NA̱ TESTIGO
“Káʼa̱nna xíʼin na̱ chíñu ña̱ ná taxina natúʼunyó xa̱ʼa̱ Ndióxi̱”
Tá ki̱xáʼa na̱ yiví sásina nu̱ú na̱ judío ña̱ ndasava̱ʼana templo, na̱ judío ndu̱kúna ki̱ʼva ña̱ na̱ʼa̱na ña̱ ta̱xiva na̱ chíñu ña̱ ná keʼéna chiñu yóʼo (Esd 5:11-16). Ki̱ʼva saá íyo ña̱ kéʼé na̱ ndásakáʼnu Ndióxi̱ tiempo vitin, chi káʼa̱nna xíʼin na̱ chíñu ña̱ ná taxina natúʼunyó xa̱ʼa̱ Ndióxi̱ ta ná kǒo kasina nu̱úyó (Flp 1:7). Ña̱kán tá ku̱i̱ya̱ 1936 kixáʼa íyo iin departamento ti̱xin Betel ña̱ íyo Estados Unidos ña̱ kivi chindeétáʼan xíʼinyó. Ta tiempo vitin na̱ káchíñu ti̱xin Departamento ña̱ Asuntos Legales ña̱ Sede Mundial, na̱yóʼo kúú na̱ xáʼa̱n nu̱ú na̱ chíñu ta káʼa̱nna xíʼinna ña̱ ná taxina natúʼunyó xa̱ʼa̱ Ndióxi̱ iníísaá ñuyǐví. ¿Ndáa ki̱ʼva kéʼéna chiñu yóʼo ta ndáa ki̱ʼva chíndeétáʼanña xíʼinyó?
TÁNDI̱ʼI XI̱TONDÓ VIDEO ÑA̱ NANÍ KUNDA̱A̱-INI XA̱ʼA̱ DEPARTAMENTO ÑA̱ ASUNTOS LEGALES ÑA̱ SEDE MUNDIAL, NDAKUIINNDÓ PREGUNTA YÓʼO:
¿Ndáa tu̱ndóʼo kúú ña̱ yáʼa na̱ testigo Jehová nu̱ú?
¿Ndáaña xa̱a̱ kúchiñuna kéʼéna? Ka̱ʼa̱n xa̱ʼa̱ iin ejemplo.
¿Ndáaña kivi keʼéyó ña̱ va̱ʼa taxi na̱ chiñu ña̱ natúʼunyó xa̱ʼa̱ Ndióxi̱?
¿Ndáa ki̱ʼva ndani̱ʼún nu̱ú jw.org ña̱ káʼa̱n xa̱ʼa̱ ña̱ kéʼé na̱ chíñu xíʼin na̱ ñuu Ndióxi̱ ta saátu nu̱ú va̱xi ki̱vi̱ ku̱a̱ʼání na̱ testigo Jehová na̱ ñúʼu veʼeka̱a xa̱ʼa̱ ña̱ kándíxanara?