Ndáa ki̱ʼva kivi ka’viyó

¿Á kútóún kaʼviún ña̱ nátúʼun xa̱ʼa̱ na̱ hermanoyó xíʼin ná hermanayó?

Iin na̱ matrimonio na̱ káʼvi ndiʼi xi̱ta̱a̱n ña̱ nátúʼun xa̱ʼa̱ na̱ hermano káchina: “Ña̱ nátúʼun xa̱ʼa̱ na̱yóʼo sákusi̱íníña-inindi̱ ta chíka̱a̱níña ndee̱ xíʼinndi̱. Sándakaʼánña ndi̱ʼi̱ ña̱ saátu kivi nda̱kú koo inindi̱ xíʼin Jehová ni nda̱a̱ ndáaka ña̱ ná ya̱ʼandi̱ nu̱ú”. Ta ki̱ʼva saátu káʼa̱n iin ñá hermana. Káchiñá: “Ña̱ nátúʼun xa̱ʼa̱ na̱ hermano, nda̱a̱ níma̱i̱ xáa̱ña ta va̱ʼaní sándi̱koña-inii̱. Na̱ hermano yóʼo kúsi̱íní-inina. Ña̱ nátúʼunna va̱ʼaní chíka̱a̱ña ndee̱ xíʼi̱n ña̱ natúʼunkai̱ xa̱ʼa̱ Ndióxi̱ ta náʼa̱ña nu̱úi̱ ndáa ki̱ʼva chindeétáʼi̱n xíʼin se̱ʼi̱ ña̱ kachíñuna ku̱a̱ʼáka tiempo nu̱ú Jehová”.

Ña̱ nátúʼun xa̱ʼa̱ na̱ hermano kivi chika̱a̱ña ndee̱ xíʼún ña̱ keʼún ku̱a̱ʼáka chiñu nu̱ú Jehová, kivi chindeétáʼanña xíʼún ña̱ ya̱ʼún nu̱ú ña̱ íxayo̱ʼvi̱ xíʼún á nu̱ú iin prueba. ¿Ndáa mií kivi ndani̱ʼún ña̱ nátúʼun xa̱ʼa̱ na̱yóʼo?

• Nandukú nu̱ú jw.org á nu̱ú JW Library® nu̱ú va̱xi ku̱a̱ʼá artículo ta ki̱ʼvi nu̱ú káʼa̱nña “Biografías de testigos de Jehová”.

• Nu̱ú BIBLIOTECA NU̱Ú INTERNET Watchtower á nu̱ú Watchtower Library, nandukú “Biografías de testigos de Jehová”.