Na̱ nda̱kú-ini xíʼin Jehová sáxi̱nuna ña̱ ki̱ndoona keʼéna nu̱úra

Kaʼvi Jueces 11:​30-40 ña̱ va̱ʼa kotoún ndáaña sákuaʼún xíʼin ña̱ ke̱ʼé ta̱ Jefté ta saátu ñá loʼo se̱ʼera ña̱ va̱ʼa saxínuyó ña̱ ki̱ndooyó nu̱ú Jehová.

Nandukú nu̱ú inka tutu ndáaka ña̱ káʼa̱nña xa̱ʼa̱ ña̱yóʼo. ¿Ndáaña xi̱ndakanixi̱ní na̱ israelita na̱ nda̱kúní ni̱xi̱yo ini xíʼin Jehová xa̱ʼa̱ ña̱ xi̱kindo̱ona keʼéna nu̱úra? (Núm. 30:2). ¿Ndáa ki̱ʼva ni̱na̱ʼa̱ ta̱ Jefté xíʼin ñá loʼo se̱ʼera ña̱ kándíxanína Jehová? (Juec. 11:​9-11, 19-24, 36).

Nandukúka xa̱ʼa̱ña. ¿Ndáaña ki̱ndoo ta̱ Jefté taxira ndaʼa̱ Jehová, ta ndáaña xi̱kuni̱ kachira xíʼin ña̱yóʼo? (w16.04-S 7 párr. 12). ¿Ndáaña xi̱niñúʼu keʼé ta̱ Jefté xíʼin ñá loʼo se̱ʼera ña̱ va̱ʼa saxínuna ña̱ ki̱ndoona nu̱ú Jehová? (w16.04-S 7, 8 párrs. 14-16). Miíyó na̱ ndásakáʼnu Jehová, ¿ndáaña kivi kindo̱oyó keʼéyó nu̱úra? (w17.04-S 5-8 párrs. 10-19).

Ndakanixi̱ní ndáaña sa̱kúaʼún ta ndáa ki̱ʼva keʼúnña. Ndakanixi̱ní xa̱ʼa̱ ña̱yóʼo:

• ¿Ndáaña kivi chindeétáʼan xíʼi̱n ña̱ saxínui̱ ña̱ ki̱ndoi̱ keʼíi̱ nu̱ú Jehová? (w20.03 13 párr. 20).

• ¿Ndáa sacrificio xíniñúʼu keʼíi̱ ña̱ va̱ʼa kachíñu ku̱a̱ʼákai̱ nu̱ú Jehová?

• ¿Ndáaña keʼíi̱ ña̱ va̱ʼa saxínui̱ ña̱ ki̱ndoi̱ xíʼin ñá síʼi̱ á yiíi̱? (Mat. 19:​5, 6; Efes. 5:​28-33).