BIBLIOTECA NU̱Ú INTERNET Watchtower
Watchtower
BIBLIOTECA NU̱Ú INTERNET
tu’un sâví
ǒ
  • ʼ
  • a̱
  • e̱
  • i̱
  • ǐ
  • o̱
  • ǒ
  • u̱
  • BIBLIA
  • NDIʼI TUTU
  • REUNIÓN
Publicación ña̱ va̱xi tu̱ʼun sâví (1993-2026)
Kita
Yóʼo ki̱ʼviún
BIBLIOTECA NU̱Ú INTERNET Watchtower
Watchtower
BIBLIOTECA NU̱Ú INTERNET
Va̱ʼaní ku̱u ni̱kiʼviún.
Nu̱ú página ña̱ internet yóʼo va̱ʼa nandukún ña̱ tává na̱ testigo Jehová, ta ku̱a̱ʼá nu̱ú tu̱ʼun va̱xiña.
Ña̱ va̱ʼa taváún ña̱ kúni̱ún, ki̱ʼvi jw.org.
Anuncio
Tu̱ʼun xa̱á: Betsimisaraka (Northern), Betsimisaraka (Southern), Konkomba, Matses, Mi'kmaq
  • Vitin

Lunes 13 tí octubre

Jehová xítora ña̱ ndíkaa̱ níma̱na (1 Sam. 16:7).

Sava yichi̱ ndákanixi̱níyó ña̱ kǒo ndáyáʼviyó, soo ná ndakaʼányó chi mií Jehová kúú ta̱ ka̱na miíyó ña̱ kuñuʼuyó xíʼin na̱ ñuura (Juan 6:44). Xítova Jehová ña̱ va̱ʼa ña̱ kúúmiíyó ni sava yichi̱ miíyó kǒo kíʼinyó kuenta xíʼin ña̱yóʼo, ta xíni̱ra ndáa ki̱ʼva íyoyó (2 Crón. 6:30). Ña̱kán, tá káʼa̱n Jehová ña̱ ndáyáʼviníyó ná kandíxayó ña̱ káʼa̱nra (1 Juan 3:​19, 20). Savayó ndákavaní-iniyó tá ndákaʼányó xa̱ʼa̱ ña̱ va̱ása va̱ʼa ke̱ʼéyó tá ya̱chi̱ tá kúma̱níka sakúaʼayó xa̱ʼa̱ Jehová (1 Ped. 4:3). Inkana xa̱a̱ ku̱a̱ʼání ku̱i̱ya̱ ndásakáʼnuna Jehová ta nda̱kúní íyo inina xíʼinra, soo chíkaa̱na ndee̱ ña̱ kǒo keʼéna ña̱ kini. Ta yóʼótu, ¿á xóʼvi̱ún tá ndákaʼún xa̱ʼa̱ ku̱a̱chi ña̱ ni̱ki̱ʼviún tá ya̱chi̱? Tá saá ndóʼún, kǒo kundi̱ʼi̱-iniún chi saátu xi̱ndoʼo sava na̱ xi̱ndasakáʼnu Ndióxi̱ tiempo xi̱naʼá. Tá kúú, ta̱ apóstol Pablo xi̱ndakavaní-inira tá xi̱ndakanixi̱níra xa̱ʼa̱ ña̱ va̱ása va̱ʼa ke̱ʼéra (Rom. 7:24). Ni ndi̱kóva-inira xa̱ʼa̱ ku̱a̱chira ta nda̱kuchira xi̱ndakanixi̱níra ña̱ xi̱kuura “ta̱ loʼoka ndáyáʼvi nu̱ú ndiʼika na̱ apóstol” ta saátu ni̱ka̱ʼa̱nra ña̱ miíra kúú ta̱ kúúmiíníka ku̱a̱chi nu̱ú inkana (1 Cor. 15:9; 1 Tim. 1:15). w24.03 27 párr. 5, 6

Ndiʼi ki̱vi̱ ná kaʼviyó tu̱ʼun Ndióxi̱ 2025

Martes 14 tí octubre

Sa̱ndákoondaʼa̱na veʼe Jehová Ndióxi̱ (2 Crón. 24:18).

Íyo iin ña̱ ndáyáʼviní sákuaʼayó xíʼin ña̱ va̱ása va̱ʼa ke̱ʼé ta̱ rey Jehoás: ná ndaka̱xinyó na̱ ndásakáʼnu Jehová ña̱ koona migoyó, saáchi na̱yóʼo kúú na̱ sákusi̱í-ini Jehová ta na̱yóʼo kúú na̱ kivi chindeétáʼan xíʼinyó. Ni nda̱a̱ ndáaka ku̱i̱ya̱ kúúmií na̱ hermano, kivi koona migoyó. Ta̱ Jehoás iin ta̱ loʼo xi̱kuura, soo va̱ʼaní xi̱kitáʼanra xíʼin ta̱ Jehoiadá. Ndakaʼán ndáana kúú na̱ migoún ta ndakanixi̱ní xa̱ʼa̱ ña̱yóʼo: “¿Á chíndeétáʼanna xíʼi̱n ña̱ kandíxakai̱ Jehová? ¿Á chíkaa̱na ndee̱ xíʼi̱n ña̱ kuniso̱ʼokai̱ ña̱ káʼa̱n Jehová? ¿Á kútóona ka̱ʼa̱nna xa̱ʼa̱ Jehová xíʼin xa̱ʼa̱ ña̱ sákuaʼana nu̱ú Biblia? ¿Á íxato̱ʼóna ndiʼi ña̱ káʼa̱n Jehová? ¿Á táxina consejo ndaʼíi̱ tá kéʼíi̱ ña̱ va̱ása va̱ʼa? ¿Á nda̱saa ña̱ kútói̱ kuniso̱ʼi̱ káʼa̱nna xíʼi̱n?” (Prov. 27:​5, 6, 17). Tá na̱ migoún va̱ása kúʼvi̱-inina xínina Jehová, kǒo xíniñúʼu kutáʼankaún xíʼinna. Soo tá kúʼvi̱-inina xíninara kǒo sandákoún ña̱ kutáʼún xíʼinna (Prov. 13:20). w23.09 10 párr. 7

Ndiʼi ki̱vi̱ ná kaʼviyó tu̱ʼun Ndióxi̱ 2025

Miércoles 15 tí octubre

Yi̱ʼi̱ kúú Alfa xíʼin Omega (Apoc. 1:8).

Ña̱ tu̱ʼun Alfa kúú letra ña̱ nu̱ú ña̱ xi̱xiniñúʼu na̱ griego, ta ña̱ omega kúú letra ña̱ so̱ndíʼi. Ña̱kán tá káʼa̱n Jehová ña̱ kúúra “Alfa xíʼin Omega”, kúni̱ kachira ña̱ tá kíxáʼara kéʼéra iin ña̱ʼa sándiʼivaraña. Tándi̱ʼi i̱xava̱ʼa Jehová ta̱ Adán xíʼin ñá Eva, ni̱ka̱ʼa̱nra xíʼinna: “Ná koo ku̱a̱ʼání se̱ʼendó, ku̱a̱ʼání ná xa̱a̱ndó koondó, ná kutú se̱ʼendó nu̱ú ñuʼú ta kuisochíñundó xíʼinña” (Gén. 1:28). Yóʼo ni̱ka̱ʼa̱n Jehová ndáaña xi̱kuni̱ra keʼéra ta nda̱a̱ táki̱ʼva íyo ña̱ ni̱ka̱ʼa̱nra tu̱ʼun “Alfa” saá ni̱xi̱yoña. Tá ná ya̱ʼa tiempo, na̱ se̱ʼe ta̱ Adán xíʼin ñá Eva na̱ kǒo ku̱a̱chi kúúmií, kaku se̱ʼena ta ku̱a̱ʼání koona ta ñuʼú yóʼo nduuña iin paraíso. Tá ná kuu ña̱kán, Jehová ka̱ʼa̱nra ña̱ tu̱ʼun “Omega”. Tándi̱ʼi i̱xava̱ʼa Jehová ñuʼú, ndiví xí’in ndi’i ña̱ʼa ña̱ íyo nu̱úña, ke̱ʼéra inka ña̱ʼa ña̱ va̱ʼa saxínura ña̱ ni̱ka̱ʼa̱nra. ¿Ndáaña ke̱ʼéra? Ña̱ nda̱kaxin Jehová ki̱vi̱ u̱xa̱ ña̱ va̱ʼa xi̱nu ña̱ kúni̱ra keʼéra nu̱ú ñuʼú yóʼo. Tá ná ndiʼi ki̱vi̱ u̱xa̱ yóʼo xi̱nuva ndiʼi ña̱ kúni̱ra (Gén. 2:​1-3). w23.11 5 párr. 13, 14

Ndiʼi ki̱vi̱ ná kaʼviyó tu̱ʼun Ndióxi̱ 2025
Va̱ʼaní ku̱u ni̱kiʼviún.
Nu̱ú página ña̱ internet yóʼo va̱ʼa nandukún ña̱ tává na̱ testigo Jehová, ta ku̱a̱ʼá nu̱ú tu̱ʼun va̱xiña.
Ña̱ va̱ʼa taváún ña̱ kúni̱ún, ki̱ʼvi jw.org.
  • tu’un sâví
  • Chindaʼáña ndaʼa̱ inkana
  • Nda̱saa kúni̱únña
  • Copyright © 2025 Watch Tower Bible and Tract Society of Pennsylvania
  • Ña̱ xíniñúʼuna
  • Política ña̱ privacidad
  • Configuración ña̱ privacidad
  • JW.ORG
  • Yóʼo ki̱ʼviún
Chindaʼáña ndaʼa̱ inkana