၁ ရာဇဝင်ချုပ်
၁၃ ဒါဝိဒ်က လူတစ်ထောင်အုပ်တွေ၊ လူတစ်ရာအုပ်တွေ၊ ခေါင်းဆောင်တွေနဲ့ တိုင်ပင်ပြီးနောက်၊+ ၂ အစ္စရေးလူစုကြီးကို “ခင်ဗျားတို့ သဘောတူမယ်၊ ယေဟောဝါဘုရားလည်း နှစ်သက်မယ်ဆိုရင် အစ္စရေးနယ်မြေအသီးသီးက ကျန်တဲ့ညီအစ်ကိုတွေ၊ စားကျက်မြေပါတဲ့ မြို့တွေမှာ နေထိုင်တဲ့ ပုရောဟိတ်တွေ၊ လေဝိအမျိုးသားတွေကို+ ကျွန်တော်တို့နဲ့ လာပူးပေါင်းဖို့ အကြောင်းကြားရအောင်။ ၃ ဘုရားသခင်ရဲ့ သေတ္တာတော်ကိုလည်း+ ပြန်သယ်လာရအောင်” ဆိုပြီး ပြောတယ်။ ဘာကြောင့်လဲဆိုတော့ ရှောလုလက်ထက်မှာ သေတ္တာတော်ကို ဂရုမစိုက်ခဲ့ကြလို့ပဲ။+ ၄ လူအားလုံးက အဲဒီအကြံပေးချက်ကို နှစ်သက်တဲ့အတွက် အဲဒီအတိုင်းလုပ်ဖို့ သဘောတူကြတယ်။ ၅ ဒါဝိဒ်လည်း စစ်မှန်တဲ့ဘုရားသခင်ရဲ့ သေတ္တာတော်ကို ကိရယတ်ယာရိမ်မြို့ကနေ သယ်လာဖို့+ အီဂျစ်ပြည်မှာရှိတဲ့ မြစ်* ကနေ ဟာမတ်လမ်းဝ+ တစ်လျှောက်မှာရှိတဲ့ အစ္စရေးတွေကို စုဝေးခိုင်းတယ်။
၆ အဲဒီနောက် ဒါဝိဒ်နဲ့အစ္စရေးတွေက ခေရုဗိမ်တွေပေါ်* စံမြန်းတဲ့အရှင်+ စစ်မှန်တဲ့ ဘုရားသခင်ရဲ့ သေတ္တာတော်ကို ပြန်သယ်လာဖို့ ယုဒနယ်မြေမှာရှိတဲ့ ဗာလာမြို့+ လို့လည်းခေါ်တဲ့ ကိရယတ်ယာရိမ်မြို့ကို သွားကြတယ်။ လူတွေက သေတ္တာတော်ရှိတဲ့နေရာမှာ ယေဟောဝါရဲ့နာမည်ကို ခေါ်ပြီး ဆုတောင်းလေ့ရှိတယ်။ ၇ သူတို့က ဘုရားသခင့် သေတ္တာတော်ကို လှည်းအသစ်ပေါ် တင်ပြီး+ အဘိနဒပ်ရဲ့အိမ်ကနေ သယ်သွားတယ်။ သြဇနဲ့ အဟိသြက လှည်းကို မောင်းတယ်။+ ၈ ဒါဝိဒ်နဲ့ အစ္စရေးတွေက ဘုရားသခင်ရှေ့မှာ အားပါးတရ ပွဲခံပြီး စောင်း၊ လင်းကွင်း၊+ ချူတပ်ဗုံ၊+ ခရာတွေ၊+ ကြိုးတပ်တူရိယာတွေ တီးမှုတ်ရင်း သီချင်းဆိုကြတယ်။ ၉ ဒါပေမဲ့ ခိဒုန်ကောက်နယ်တလင်းကို ရောက်လာတဲ့အခါ နွားတွေကြောင့် ပြုတ်ကျမလို ဖြစ်သွားတဲ့ သေတ္တာတော်ကို ဩဇ လှမ်းထိန်းလိုက်တယ်။ ၁၀ သေတ္တာတော်ကို လှမ်းကိုင်လိုက်လို့+ သြဇကို ယေဟောဝါ အမျက်ထွက်ပြီး ဒဏ်ခတ်လိုက်တယ်။ ဘုရားသခင်ရှေ့၊ အဲဒီမှာတင် ဩဇ သေဆုံးသွားတယ်။+ ၁၁ သြဇကို ယေဟောဝါ အမျက်ထွက်တဲ့အတွက် ဒါဝိဒ် စိတ်ဆိုးတယ်။* အဲဒီနေရာကို ပေရက်သြဇ* လို့ခေါ်ကြတာ ဒီနေ့အထိပဲ။
၁၂ အဲဒီနေ့မှာ ဒါဝိဒ်က ဘုရားသခင်ကို ကြောက်ပြီး “ဘုရားသခင်ရဲ့ သေတ္တာတော်ကို ငါ့ဆီ ဘယ်လိုသယ်ရပါ့မလဲ”+ လို့ပြောတယ်။ ၁၃ အဲဒီနောက် သေတ္တာတော်ကို သူနေထိုင်တဲ့ ဒါဝိဒ်မြို့ကို သယ်သွားမယ့်အစား သြဗက်ဧဒုံရဲ့အိမ်ဆီ သယ်သွားခိုင်းတယ်။ ၁၄ သေတ္တာတော်ဟာ သြဗက်ဧဒုံရဲ့အိမ်မှာ အိမ်သားတွေနဲ့အတူ သုံးလ ရှိနေတယ်။ ယေဟောဝါလည်း သြဗက်ဧဒုံရဲ့ အိမ်သားတွေနဲ့ သူပိုင်ဆိုင်သမျှကို ကောင်းချီးပေးတယ်။+