သင့်ဥယျာဉ်ထဲတွင် ဖရစ်တေလာရီ ရှိသလော

ရှိပါက ယင်း၏အလှက သင့်အားစွဲမက်သွားစေမည်။ ဖရစ်တေလာရီ ကား အဘယ်နည်း။ ယင်းကား ကျွန်ုပ်တို့၏ ကမ္ဘာကိုအလှဆင်ပေးသည့် လိပ်ပြာအမျိုးထောင်ပေါင်းများစွာမှတစ်မျိုးဖြစ်ပြီး အမေရိကန်ပြည်ထောင်စုနှင့်ကနေဒါတို့တွင်တွေ့နိုင်သည့် မျိုးစိတ် ၇၅၀ ကျော်တွင်တစ်မျိုးအပါအဝင်ဖြစ်သည်။ ဤပုံတွင်တွေ့ရသောဂရိတ်စပန်ဂယ်လိပ်ပြာသည် ဗာဂျီးနီးယားပြည်နယ်၏စိမ်းလန်းစိုပြည်သောကျေးလက်ဒေသရှိ ဥယျာဉ်တစ်ခုတွင်ဓာတ်ပုံရိုက်ယူထားခြင်းဖြစ်သည်။ ဂရိတ်စပန်ဂယ်လိပ်ပြာ၏နောက်ဘက်အတောင် အောက်မျက်နှာပြင်တွင် ငွေရောင်ကွက်များကိုတွေ့ရသည်။ ဥယျာဉ်မှူးသည် လိပ်ပြာများကိုဆွဲဆောင်ပြီး မြင့်မားစွာပေါက်သည့်တောပန်းပင်များ—အဝါရောင်ရဒ်ဘက်ကီယာပန်းနှင့် ခရမ်းနုရောင်သရက်ထည်ပန်းပင်ကို ဥယျာဉ်မြေကွက်တွင် တမင်စိုက်ကြသည်။

သင့်ဥယျာဉ်သည် လိပ်ပြာများအတွက်ဆွဲဆောင်မှုဖြစ်လိုပါက တောပန်းပင်တစ်ကွက်လောက်စမ်းစိုက်ကြည့်ပါ။ သင်သည် နုနယ်သိမ်မွေ့သောဤသတ္တဝါများကိုဆွဲဆောင်ရန် ပန်းချီဆရာ၏ရောင်စုံပန်းချီဆေးကဲ့သို့ပေါက်လာမည့် တောပန်းမျိုးစေ့တစ်ထုပ်ကို ဝယ်နိုင်ကောင်းဝယ်နိုင်ပေမည်။ သင်သည် ကမ္ဘာ့သင့်လျော်သောအရပ်ဒေသတွင်နေထိုင်ပါက ဗတ်လီယာပန်းပင်သည် လိပ်ပြာများကို အလွန်ပင်ဆွဲဆောင်မှုဖြစ်စေမည်။ ထိုစဉ် ကင်မရာနှင့်မှန်ပြောင်းတို့ဖြင့်ရှုစားပါက ပီတိဖြစ်ရပေမည်!