ဘုရားသခင်အကြောင်း သင်လေ့လာဖို့လို

ဘုရားသခင့်မိတ်ဆွေဖြစ်ရန် ကိုယ်တော့်အကြောင်း လေ့လာဖို့လိုသည်။ သင့်မိတ်ဆွေများသည် သင့်နာမည်ကိုသိပြီး အသုံးပြုသလော။ သူတို့အသုံးပြုကြသည်။ ဘုရားသခင်လည်း နာမတော်ကိုသိပြီး အသုံးပြုစေလိုတော်မူ၏။ ဘုရားသခင့်နာမတော်မှာ ယေဟောဝါဖြစ်သည်။ (ဆာလံ ၈၃:၁၈; မဿဲ ၆:၉) ကိုယ်တော်ကြိုက်နှစ်သက်ရာနှင့် မနှစ်သက်ရာများကိုလည်း သိရှိရပေမည်။ ကိုယ်တော့်မိတ်ဆွေများနှင့် ကိုယ်တော့်ရန်သူများကို သင်သိဖို့လိုသည်။ တစ်ဦးတစ်ယောက်ကိုသိကျွမ်းလာဖို့ အချိန်ယူရသည်။ ယေဟောဝါအကြောင်းသင်ယူလေ့လာဖို့ အချိန်ဖယ်ထားခြင်းသည် ပညာရှိ၏ဟု သမ္မာကျမ်းစာကဆိုသည်။—ဧဖက် ၅:၁၅၊ ၁၆။

ဘုရားသခင့်မိတ်ဆွေများသည် ကိုယ်တော်နှစ်သက်ရာကိုလုပ်ဆောင်ကြ၏။ သင့်မိတ်ဆွေများအကြောင်း စဉ်းစားကြည့်ပါ။ သူတို့ကိုကောင်းကောင်းမဆက်ဆံ၊ သူတို့ရွံမုန်းရာများကိုပြုလုပ်ပါက သင်နှင့်မိတ်မြဲမည်လော။ လုံးဝမြဲမည်မဟုတ်! ထိုနည်းတူ ဘုရားသခင့်မိတ်ဆွေဖြစ်လိုလျှင် ကိုယ်တော်နှစ်သက်ရာကို ပြုလုပ်ဖို့လိုသည်။—ယောဟန် ၄:၂၄။

ဘာသာတရားအားလုံး ဘုရားသခင်နှင့် မိတ်မဖွဲ့စေပါ။ ဘုရားသခင်၏ အရင်းနှီးဆုံးမိတ်ဆွေဖြစ်သော ယေရှုက လမ်းနှစ်လမ်းအကြောင်းပြောခဲ့သည်။ လမ်းတစ်လမ်းမှာ ကျယ်ဝန်းပြီးလူပြည့်လျက်ရှိ၏။ ထိုလမ်းသည် ပျက်စီးခြင်းသို့ဦးတည်သည်။ နောက်တစ်လမ်းမူ ကျဉ်းမြောင်း၍ လူအနည်းငယ်သာသွားလာလျက်ရှိသည်။ ထိုလမ်းသည် ထာဝရအသက်သို့ပို့ဆောင်သည်။ ဆိုလိုသည်ကား သင်သည် ဘုရားသခင့်မိတ်ဆွေဖြစ်လိုလျှင် ကိုယ်တော်အားဝတ်ပြုနည်းအမှန်ကို သင်ယူရမည်ဖြစ်သည်။—မဿဲ ၇:၁၃၊ ၁၄။